Fréttir

Byggðamynstri má að nokkru lýsa með þéttleika byggðar. Stofn- og rekstrarkostnaður dreifbýls samfélags er meiri en þéttbýls en dreifð byggða felur líka í sér kosti og lífsgæði sem margir telja dýrmæt og eftirsóknarverð. Ísland er strjálbýlt ef höfuðborgarsvæðið er undanskilið.  Í nokkrum löndum búa færri íbúar á hvern ferkílómetra lands, t.d. á  Grænlandi og löndum með stórar eyðimerkur.

Við mat á aðstæðum byggðanna geta landshlutar og sveitarfélög verið viðsjál viðmiðunarsvæði. Skerðing þorkaflaheimilda getur t.d. verið stórmál í sjávarþorpi þó störfin þar séu svo lítill hluti af öllum störfum landshlutans eða sveitarfélagsins að alvara málsins komi ekki fram á þeim grunni. 

Norræna Atlantssamstarfið, NORA, stóð fyrir ráðstefnu um íbúaþróun í lok október. Ráðstefnan, sem var undir heitinuChallenged by Demography, var haldin í Alta í Finnmörku og stóð í tvo daga, 20. og 21. október síðastliðinn. Ráðstefnuna sóttu rúmlega 100 manns, flestir frá NORA-löndunum, Noregi, Íslandi, Grænlandi og Færeyjum.

Við undirbúning þingsályktunartillögu iðnaðarráðherra um stefnumótandi byggðaáætlun 2010-2013 tók Byggðastofnun saman efni um ástand og horfur í byggðaþróun. Þingsályktunartillagan er enn í mótun en fylgiritið Byggðaþróun – Ástand og horfur má nálgast hér.

Í tilefni Alþjóðlegrar athafnaviku 16. – 22. nóvember nk. hefur verið ákveðið að bjóða til opinna funda á Norðurlandi vestra. Líkt og norðurljósin varpa birtu á dimmum vetrarkvöldum er ætlunin að lýsa upp skammdegið með öflugri hugmyndavinnu þar sem unnið verður með tækifæri og möguleika á svæðinu.

Byggðastofnun og Skipulagsstofnun hafa hafið samstarf um að finna leiðir til að koma á gagnagrunni landfræðilegra upplýsinga á landsvísu sem hafi að meginmarkmiði að styrkja áætlanagerð ríkis og sveitarfélaga. Þessi vinna mun vonandi leiða fljótlega til breiðara samstarfs við Hagstofuna, Fasteignaskrá Íslands, Landmælingar Íslands auk rannsóknarstofnana ýmissa samtaka og félaga sem búa yfir upplýsingum sem nýtast við áætlanagerð.

Tækifæri til að kynnast fjölbreyttum samstarfsverkefnum Norðurslóðaáætlunar 2007-2013 í Ráðhúsi Reykjavíkur dagana 10. og 11. nóvember nk.

Listahátíð í Reykjavík, Byggðastofnun og Flugfélag Íslands standa saman að Eyrarrósinni, viðurkenningu sem veitt er árlega fyrir framúrskarandi menningarstarf á landsbyggðinni. Nýverið var auglýst eftir umsóknum um Eyrarrósina 2010 og er umsóknarfrestur til og með 16. nóvember 2009. Smelltu hér til að opna auglýsinguna.

Tengslanet vestfirska kvenna var stofnað á Ísafirði 8. október og 14. október stofnuðu konur á Norðurlandi vestra samskonar samtök sem fékk nafnið Virkja- Norðvestur konur. 

Þema ráðstefnunnar er atvinnusköpun með áherslu á sóknarfæri sem felast í tengingu hefðbundinna atvinnugreina við skapandi greinar. Í tengslum við ráðstefnuna verður kynning á fjölbreyttum verkefnum sem Ísland tekur þátt í innan Norðurslóðaáætlunar 2007-2013 í Ráðhúsi Reykjavíkur.