Fréttir

Á ársfundi Byggðastofnunar sem haldinn var í dag á Sauðárkróki tók við ný stjórn stofnunarinnar.  Í nýju stjórninni eiga sæti þau Þóroddur Bjarnason prófessor á hug- og félagsvísindasviði Háskólans á Akureyri en hann er jafnframt formaður stjórnarinnar, Ásta Dís Óladóttir framkvæmdastjóri Fríhafnarinnar,

Ársfundur Byggðastofnunar 2011 verður haldinn mánudaginn 22. ágúst nk. á Kaffi Krók, Sauðárkróki og hefst kl. 13:00.

Nefnd sem falið var að gera tillögur um framtíðarfyrirkomulag á lánastarfsemi Byggðastofnunar telur að full þörf sé á starfsemi stofnunarinnar. Í skýrslunni eru m.a. settar fram tillögur um stefnumótun stjórnar og eigenda Byggðastofnunar, tillögur um heildarendurskoðun laga og reglugerðar um stofnunina og tillögur varðandi efnahagsreikning stofnunarinnar.

NPP verkefnið Our Life as Elderly II sigraði RegioStars 2011 verðlaunin í flokknum Promotional photo of a co-funded project með mynd sinni "Age makes no difference". Tilgangur Evrópusambandsins með því að veita RegioStars verðlaunin er að finna og vekja athygli á góðum svæðisbundnum þróunarverkefnum og fyrirmyndum. RegioStars verðlaunin eru eftirsóknarverðustu verðlaun sem ESB verkefni geta hlotið.

Byggðastofnun hefur gefið út skýrsluna Erlendir ríkisborgara í íslensku samfélagi.  Skýrslan er unnin af Sigríði Elínu Þórðardóttur, sérfræðingi á þróunarsviði Byggðastofnunar.  Í skýrslunni er fjallað um skatta og gjöld erlendra ríkisborgara samkvæmt álagningu árið 2010 og um áhrif aðflutnings erlendra ríkisborgara á fólkfjöldaþróunina á Íslandi undanfarna áratugi.

Þriðjudaginn 31. maí komu fulltrúar atvinnuþróunarfélaganna, vaxtarsamninganna og Byggðastofnunar saman til árlegs vorfundar. Mætt var frá öllum ofangreindum aðilum til fundarins sem haldinn var á Grand Hótel í Reykjavík.

Miðvikudaginn 8. Júní  kl. 13:00 – 17:00 verður haldin ráðstefnan Landsbyggð tækifæranna - Þekkingar- og fræðastarf á landsbyggðinni á  Grand Hótel, Sigtúni 38, Reykjavík (Háteigur A, 4 hæð). Tilefni ráðstefnunnar er skýrsla Byggðastofnunar um Þekkingarsetur á Íslandi og nú er ætlunin að móta áframhald þess verkefnis m.a. í tengslum við áherslur Vísinda- og tækniráðs og sóknaráætlanir landshluta (Ísland 2020).

Ársfundi Byggðastofnunar sem halda átti í Vestmannaeyjum miðvikudaginn 25. maí hefur verið frestað um óákveðinn tíma.  Þessi ákvörðun er tekin með hliðsjón af eldgosinu í Grímsvötnum og áhrifum þess á samgöngur á svæðinu.

Grettir BA, nýtt skip Þörungaverksmiðjunnar hf. lagðist að bryggju á Reykhólum, sunnudaginn 15. maí sl.  Skipið hét áður Fossá ÞH og var kúfiskveiðiskip.  Skipið leysir af hólmi skipið Karlsey BA sem þjónað hefur Þörungaverksmiðjunni um langt árabil. Fjöldi fólks var við Reykhólahöfn að fagna komu Grettis. Slippurinn á Akureyri sá um endurbæturnar en meðal annars var skipt um brú, lestin stækkuð, skipt var úr fastri skrúfu í skiptiskrúfu, stýrisbúnaður endurnýjaður og keyptur öflugur krani.

Ársfundur Byggðastofnunar 2011 verður haldinn miðvikudaginn 25. maí nk. í Höllinni Vestmannaeyjum. Fundurinn hefst kl. 12:00 með léttum veitingum, og fundarlok eru kl. 16:00. Að loknum hefðbundnum liðum verður haldin ráðstefna undir yfirskriftinni ,,Sóknaráætlanir landshluta og stoðkerfi atvinnulífsins"