Fréttir

Úthlutað hefur verið úr frumkvæðissjóði Brothættra byggða til verkefnisins Öll vötn til Dýrafjarðar fyrir árið 2019. Auglýst var eftir umsóknum 15. mars 2019. Umsóknarfrestur rann út 15. apríl 2019 en varð síðar framlengdur til 23. apríl 2019. Til úthlutunar voru 7 milljónir. Alls barst 21 umsókn. Heildarumfang verkefna er umsóknir lutu að var um 35 milljónir. Sótt var um tæplega 20 milljónir. Allt voru þetta umsóknir sem féllu vel að verkefninu Öll vötn til Dýrafjarðar.

Verkefnisstjórn byggðaþróunarverkefnisins Hrísey – perla Eyjafjarðar hittist á fundi í Hrísey mánudaginn 20. maí síðastliðinn. Verkefnisstjórnin afgreiddi úthlutun úr frumkvæðissjóði Brothættra byggða. Sjö verkefni sóttu um styrki samtals að fjárhæð kr. 14.197.900,- en til úthlutunar voru kr. 8.100.000,-.

Veitt til verkefna sem með einum eða öðrum hætti stuðla að umhverfisvernd, s.s. nýtingu endurnýjanlegra orkugjafa (smávirkjana, vatns-, vind- og sólarorku, lífgas...), bættrar orkunýtni (í iðnaði, atvinnuhúsnæði og í samgöngum), mengunarvarna, bættrar auðlindanotkunar (söfnun úrgangs, meðhöndlun, endurvinnsla, endurnotkun, orkuvinnsla, meðferð spilliefna), lífrænnar matvælaframleiðslu o.s.frv.

Lánasérfræðingar frá Byggðastofnun verða á Austurlandi í næstu viku (27-29 maí) og kynna þar lánamöguleika fyrirtækja. Þá gefst forsvarsmönnum fyrirtækja tækifæri til að ræða sínar hugmyndir við lánasérfræðinga.

Lánasérfræðingar frá Byggðastofnun verða á Suðurlandi í næstu viku (21-23 maí) og kynna þar lánamöguleika fyrirtækja. Þá gefst forsvarsmönnum fyrirtækja jafnframt tækifæri til að ræða sínar hugmyndir við lánasérfræðinga. Þriðjudagur: 9:00 að Austurvegi 4 á Hvolsvelli Miðvikudagur: 12:00 í Þekkingarsetri Vestmannaeyja Fimmtudagur: 12:30 að Austurvegi 56 á Selfossi Núverandi og nýir viðskiptavinir velkomnir.

Framkvæmd sóknaráætlana landshluta hefur almennt tekist vel frá árinu 2015 að því er fram kemur í úttekt sem ráðgjafarfyrirtækið Evris gerði fyrir samgöngu- og sveitarstjórnarráðuneytið. Í úttektinni var lagt mat á það hvort tekist hefði að ná markmiðum samninga um sóknaráætlanir. Þar var jafnframt bent á atriði sem betur mættu fara og lagðar fram tillögur til úrbóta.

Byggðastofnun óskar eftir að ráða sérfræðing á þróunarsvið stofnunarinnar. Byggðastofnun rekur gagnagrunn á sviði byggðamála og eitt af meginmarkmiðum með honum er að gera byggðatengdar upplýsingar aðgengilegar í gegnum vef. Notaður er PostgreSQL gagnagrunnur og Apache vefþjónn sem keyrðir eru á Linux.

Stjórn Byggðastofnunar hefur samþykkt beiðni frá verkefnisstjórn Öxarfjarðar í sókn um framlengingu um eitt ár, til lok árs 2020, en áætluð verkefnislok voru árslok 2019. Var þá m.a. horft til að vinna að starfsmarkmiðum hafi ekki hafist fyrr en í maí 2016, að fyrsti verkefnisstjóri verkefnisins hafi verið í hlutastarfi á árunum 2016 til 2017 og að verkefnið er er nú að ná betri fótfestu í vestasta hluta byggðarlagsins, þ.e. Kelduhverfi.

Uppfærð markmið og framtíðarsýn fyrir verkefni Brothættra byggða, Hrísey – perla Eyjafjarðar hefur nú litið dagsins ljós.

Í lok síðasta árs vann Jón Þorvaldur Heiðarsson, hagfræðingur og lektor við Háskólann á Akureyri, meðfylgjandi skýrslu um hugsanlegar útfærslur við jöfnun á flugsteinolíuverði á alþjóðaflugvöllum á Íslandi.