Fréttir

Félagið Auður norðursins í samstarfi við Byggðastofnun og fleiri aðila efna til ráðstefnu um matvælaframleiðslu í nútíð og framtíð. Ráðstefnan fer fram í Hofi á Akureyri og hefst um hádegi 10. nóv. og líkur seinni partinn daginn eftir. Nánari tímasetning og dagskrá er að finna hér.

Árið 2019 samþykkti Byggðarannsóknasjóður að styrkja rannsóknarverkefnið „Betri búskapur – bættur þjóðarhagur“ sem unnin var af sérfræðingum Landbúnaðarháskólans og nokkrum samstarfsaðilum. Nú er þessu verkefni lokið og lokaskýrsla komin út.

Umsóknarfrestur vegna svokallaðra brúarverkefna er til 8. okt. n.k. en þau eru hugsuð til undirbúnings aðalverkefna á áætlunartímabilinu 2021-2027. Megin innntak þeirra er skilgreining viðfangsefnis/áskorunar, samstarfsaðila og haghafa eftir atvikum. Verkefnistíminn er að hámarki 6 mán.

Byggðaráðstefnan 2021 verður haldin dagana 26. og 27. október n.k. á Hótel Kötlu í Mýrdal. Yfirskrift ráðstefnunnar er „Menntun án staðsetningar?“ og að henni standa Byggðastofnun, Samband íslenskra sveitarfélaga, Samtök sunnlenskra sveitarfélaga (SASS), Háskólafélag Suðurlands og Mýrdalshreppur.

Í greinargerðinni má finna tölur um þá fjármuni sem veitt er til sóknaráætlana landshluta og hvernig þeim er ráðstafað. Einnig er yfirlit yfir ýmsa þætti eins og áhersluverkefni landshlutanna og þau málefni sem styrkt eru úr uppbyggingarsjóðum landshlutanna.

Úrskurðarnefnd fjarskipta- og póstmála hefur staðfest ákvörðun Póst og fjarskiptastofnunar nr. 16/2020 um tilkynningu Íslandspósts ohf. um breytingar á gjaldskrá vegna magnpósts frá 30. desember 2020.

Athygli er vakin á lokaráðstefnu NPA verkefnisins HANDIHEAT sem Austurbrú er þátttakandi í. Ráðstefnan fer fram næstkomandi miðvikudag, 22. september milli kl. 8.00 og 12.00 og er hún rafræn.

Byggðastofnun auglýsir styrki til meistaranema sem vinna að lokaverkefnum á sviði byggðaþróunar. Kostur er ef verkefnin hafa skírskotun til byggðaáætlunar. Til úthlutunar er allt að 1.000.000 kr. og stefnt er að því að veita allt að fjóra styrki.

Vel sóttur íbúafundur var haldinn á Bakkafirði sl. miðvikudag, 8. sept. undir merkjum verkefnisins Betri Bakkafjörður. Blíðskaparveður var þennan dag og haustlitirnir byrjaðir að lita umhverfið. Í upphafi fundar var fundargestum boðið upp á dýrindis súpu á veitingastaðnum að Hafnartanga 4 sem framreidd var af vertunum, þeim Sædísi og Þóri Erni. Eftir að súpunni höfðu verið gerð góð skil gengu fundargestir ásamt verkefnisstjórn að skólahúsnæðinu/ferðaþjónustunni að Skólagötu 5 þar sem fundurinn hófst skv. boðaðri dagskrá.

Byggðastofnun hefur unnið skýrslu fyrir samgöngu- og sveitarstjórnarráðuneytið um vinnu- og skólasóknasvæði og almenningssamgöngur. Um er að ræða bæði almenna greiningu sem og svæðagreiningar þar sem meðal annars eru greindir styrkleikar og veikleikar hvers svæðis ásamt áskorunum með tilliti til almenningssamgangna. Þá eru í skýrslunni sett fram uppfærð kort af vinnu- og skólasóknarsvæðum með hliðsjón af samgöngubótum undanfarinna ára.