Fréttir

Nú á vormánuðum lauk Fayrouz Nouh meistaranámi frá hug- og félagsvisindasviði Háskólans á Akureyri. Lokarannsókn hennar nefnist „Arab Muslim Immigrant Women in Iceland outside the capital area. Immigrant experiences and future expectations“. Rannsóknin hlaut styrk úr sjóði Byggðastofnunar, en sá sjóður veitir styrki til meistaranema sem vinna lokarannsókn sína á sviði byggðamála.

Nú líður að starfslokum Guðmundar Guðmundssonar á Byggðastofnun og í dag er síðasti starfsdagur hans á skrifstofu Byggðastofnunar hér á Sauðárkróki.

Alls bárust 23 umsóknir og heildarkostnaður verkefna er rúmlega 125 m.kr. en sótt var um tæpar 52 m.kr. Alls voru 13,5 m.kr. til úthlutunar. Verkefnin sem hlutu styrk eru fjölbreytt en eiga það flest sameiginlega að stuðla að atvinnuuppbyggingu á svæðinu.

Úthlutað var styrkjum til 12 verkefna tengdum menningu og listum, atvinnuuppbyggingu og nýsköpun. Allt eru þetta verkefni sem verkefnisstjórn telur líkleg til árangurs og að þau muni hafa jákvæð áhrif á Þingeyri og við Dýrafjörð.

Um er að ræða fjölbreytt verkefni sem hlutu styrki að þessu sinni. Markmiðið með þessum verkefnum er að styrkja innviði Bakkafjarðar, skapa atvinnu og fjölga fólki á svæðinu í samræmi við stefnumótun fyrir verkefnið sem samþykkt var á íbúafundi.

Tækifæri Strandabyggðar til framtíðar, felast í sterkri náttúru, magnaðri þjóðtrú og „kyrrðarkrafti“, sem gestir og íbúar geta notið. Sækja þarf fram með sameiginlegri markaðssetningu, ímyndarsköpun og vöruþróun. Þetta voru skilaboð íbúaþings.

Af þeim fjölmörgu verkefnum sem fjármögnuð eru af Norðurslóðaáætlun 2014-2020 er mörgum verkefnum nú lokið. Af þeim verkefnum sem eiga íslenska þátttakendur hafa nú 13 verkefni af 31 lokið þátttöku sinni. Hér má lesa stuttlega um fjögur af þeim þrettán verkefnum sem lokið er.

Samgöngu- og sveitarstjórnarráðherra auglýsir eftir umsóknum um framlög sem veitt eru á grundvelli stefnumótandi byggðaáætlunar fyrir árin 2018-2024 vegna verkefna sem tengjast aðgerð A.10 Almenningssamgöngur um land allt. Markmiðið er að styðja við þróun almenningssamgangna, sérstaklega út frá byggðalegum sjónarmiðum.

Nú við upphaf endurskoðunar byggðaáætlunar hefur ráðherra ákveðið að efna til opins samráðs um mótun, form, inntak og framkvæmd hennar.

Samkeppni um listskreytingu í nýbyggingu Byggðastofnunar er lokið. Dómnefnd valdi verk Rósu Gísladóttur, Eldflaugin og demanturinn sigurvegara