Fréttir

Stjórn Norðurslóðaáætlunarinnar samþykkti 11. desember síðastliðinn að styðja 16 verkefni. Af þeim eru 14 með íslenskum þátttakendum og þar af eitt með íslenskum verkefnisstjóra (e. lead parter). Heildarstyrkupphæðin sem samþykkt var á fundinum var 14,8 millj. evra og er hlutur íslenskra þátttakenda tæp 1,7 millj. evra.

Byggðastofnun hefur innleitt stafræna pósthólfið á island.is og miðlar nú gögnum með þeim hætti til einstaklinga og fyrirtækja.

Í byrjun desember sl. auglýsti Byggðastofnun eftir sérfræðingi á þróunarsvið stofnunarinnar. Alls bárust 18 umsóknir, 11 frá konum og sjö frá körlum. Nú hefur verið ákveðið ráða Hebu Guðmundsdóttur og Sigfús Ólaf Guðmundsson.

Út er komin önnur skýrsla úr norrænni rannsókn á aðlögunarhæfni strandbyggða í verkefninu NorValue. Tvö byggðarlög, eða bæir, eru til skoðunar í íslenska hluta verkefnisins. Það eru Siglufjörður og Ólafsfjörður.

Í síðasta mánuði skrifuðu Byggðastofnun og Dalabyggð undir viljayfirlýsingu um uppbyggingu atvinnuhúsnæðis í Búðardal. Um er að ræða tilraunaverkefni af hálfu Byggðastofnunar þar sem markmiðið er að reisa atvinnuhúsnæði á stað þar sem vöntun á fjárfestingu í atvinnuhúsnæði hefur hamlað framþróun og mun stofnunin leggja til allt að 150 m.kr. í verkefnið.

Nú er komin út skýrsla um orkukostnað viðmiðunareignar m.v. gjaldskrár 1. september 2024. Heildarorkukostnaður er hæstur í Grímsey 427 þ.kr. en lægstur á Flúðum 195 þ.kr. Næst hæsti heildarkostnaður fyrir viðmiðunareign er í Nesjahverfi í Hornafirði 378 þ.kr. og á Grenivík 364 þ.kr. Þar næst koma staðir með rafhitun sem skilgreinast jafnframt sem dreifbýli hvað raforkudreifingu varðar, þ.e.a.s. Súðavík, Bakkafjörður og Borgarfjörður eystri.

Á vetrarfundi Norræna Atlantssamstarfsins, NORA, sem haldinn var í Kaupmannahöfn þann 6. desember s.l. var ákveðið að veita styrki til tólf verkefna í seinni úthlutun ársins 2024. Íslendingar taka þátt í níu verkefnanna. Fimm af þeim tólf verkefnum sem hlutu styrk eru framhaldsverkefni. Heildarupphæð styrkjanna er 3,36 milljónir danskra króna sem jafngildir ríflega 68 milljónum íslenskra króna. Alls bárust 20 umsóknir að þessu sinni.

Árið 2023 voru heildartekjur á hvern íbúa um 11 milljónir króna í Vestmannaeyjum en undir 6 m.kr. í Húnavatnssýslum, Borgarfirði & Dölum og Suðurnesjabæ & Vogum. Talsverður munur var einnig milli hæstu og lægstu upphæðar atvinnutekna á hvern íbúa en þær voru um 6 milljónir í Fjarðabyggð, Garðabæ og á Seltjarnarnesi en um 4 m.kr. í Húnavantssýslum, Borgarfirði & Dölum og Rangárvallasýslu. Þetta má m.a. sjá í mælaborði Byggðastofnunar og lesa um í skýrslu sem birt er í dag um tekjur einstaklinga eftir svæðum 2008-2023.

Stjórn Byggðastofnunar ákvað á fundi sínum þann 12. desember síðastliðinn að styrkja fjóra meistaranema sem vinna að lokaverkefnum á sviði byggðamála. Auglýsing um styrkina var birt 21. ágúst og rann umsóknarfrestur út 1. nóvember. Verkefnin sem sótt er um styrk til skulu hafa skírskotun til markmiða eða aðgerða byggðaáætlunar. Alls bárust þrettán umsóknir. Heildarupphæð styrkjanna er 1,4 milljónir króna. Hver styrkur er að upphæð 350.000 kr. Styrkirnir eru fjármagnaðir af byggðaáætlun.

Starfsfólk Byggðastofnunar óskar viðskiptavinum sínum, samstarfsaðilum og landsmönnum öllum gleðilegra jóla og farsældar á komandi ári.