Fréttir

Nú hafa verið teknar saman upplýsingar um mögulegt húsnæði fyrir óstaðbundin störf og þær staðsetningar birtar í þjónustukorti Byggðastofnunar. Upplýsingum var safnað saman með aðstoð landshlutasamtaka sveitarfélaga.

Í gær undirrituðu Kristín Völundardóttir forstjóri Útlendingastofnunar og Arnar Már Elíasson forstjóri Byggðastofnunar samning um styrk vegna óstaðbundinna starfa. Annars vegar var um ræða samning vegna óstaðbundins starfs á vegum Útlendingastofnunar sem staðsett verður í húsnæði Sýslumannsembættisins á Húsavík og hins vegar starfs sömu stofnunar sem staðsett verður í vinnustaðaklasanum Útibúinu á Hvammstanga.

Opnað hefur verið fyrir umsóknir um styrki til að fjölga óstaðbundnum opinberum störfum á landsbyggðinni. Ríkisstofnanir geta sótt um styrki til að ráða í óstaðbundin störf á þeirra vegum utan höfuðborgarsvæðisins. Svandís Svavarsdóttir innviðaráðherra kynnti áform um úthlutunina fyrr í haust en veittar verða allt að 150 milljónir kr. í þessum tilgangi af byggðaáætlun.