Fréttir

Eyrarrósin, sérstök viðurkenning fyrir framúrskarandi menningarverkefni á landsbyggðinni, verður afhent á Bessastöðum mánudaginn 15. febrúar kl. 16.00 og er það í sjötta sinn sem viðurkenningin er veitt.

Nordregio auglýsir laust starf upplýsingafulltrúa (Head of communication) á skrifstofu sinni í Stokkhólmi.  Um er að ræða nýja stöðu innan stofnunarinnar.  Umsóknir skulu hafa borist á netfangið nordregio@nordregio.se fyrir 1. mars nk.

Byggðastofnun hefur útbúið kort er sínir svæðaskiptingu greiðslumarks í ærgildum til sauðfjárframleiðslu eftir sveitarfélögum árið 2010. Heildagreiðslumark sauðfjár er 368.457 ærgildi. Greiðslumark lögbýla er tiltekinn fjöldi ærgilda, sem ákveðið er fyrir hvert lögbýli og veitir rétt til beingreiðslna.

Guðmundur Guðmundsson sérfræðingur á þróunarsviði Byggðastofnunar á 30 ára starfsafmæli við stofnunina.  Hann hóf störf hjá Framkvæmdastofnun ríkisins (síðar Byggðastofnun) við Rauðarárstíg í Reykjavík þann 1. febrúar 1980.  Árið 1998 flutti hann svo með þróunarsviðinu til Sauðárkróks og hefur starfað þar síðan.

Þann 14. janúar sl. stóðu umsjónarstofnanir samstarfsáætlana ESB, sem Ísland er aðili að, fyrir kynningu á Háskólatorgi í Reykjavík. Kynntar voru um 20 áætlanir sem veita styrki til samstarfsverkefna á ýmsum sviðum samfélagsins.

Kynning á tækifærum og styrkjum í Evrópusamstarfi verður haldin á Háskólatorgi fimmtudaginn 14. janúar 2010  kl. 15-18. Þar gefst færi á að hitta fulltrúa evrópskra samstarfsáætlana á Íslandi og kynna sér möguleika á styrkjum og samstarfi á öllum sviðum menntamála, rannsókna, vísinda, nýsköpunar, menningar og atvinnulífs.

Alls bárust 4  tilboð í verkið allt auk þess sem eitt tilboð barst í afmarkaðan verkhluta.  Öll tilboðin utan eitt voru frá verktökum á Norðurlandi eystra og voru þau öll undir kostnaðaráætlun.

Byggðastofnun hefur útbúið kort er sýnir greiðslumark í mjólk árið 2010 eftir sveitarfélögum og byggir á gögnum frá Bændasamtökum Íslands.  Greiðslumark til mjólkurframleiðslu miðar nú við almanaksár í stað verðlagsárs sem var frá 1. september til 31. ágúst.

Byggðastofnun í samstarfi við Handverk og hönnun, Hönnunarmiðstöð, Listaháskóla Íslands,  Nýsköpunarmiðstöð Íslands, Ímark og Útflutningsráð Íslands auglýsir eftir umsóknum um stuðning við markaðssetningu erlendis á íslensku handverki og hönnunarvörum.

Byggðamynstri má að nokkru lýsa með þéttleika byggðar. Stofn- og rekstrarkostnaður dreifbýls samfélags er meiri en þéttbýls en dreifð byggða felur líka í sér kosti og lífsgæði sem margir telja dýrmæt og eftirsóknarverð. Ísland er strjálbýlt ef höfuðborgarsvæðið er undanskilið.  Í nokkrum löndum búa færri íbúar á hvern ferkílómetra lands, t.d. á  Grænlandi og löndum með stórar eyðimerkur.