Fréttir

Stjórn Byggðastofnunar samþykkti á fundi sínum útlánaáætlun fyrir árið 2009.  Það er kunnara en frá þurfi að segja að aðstæður á fjármagnsmarkaði eru erfiðari nú en áður hefur þekkst.

Byggðaráðstefna verður haldin í Borgarnesi 20. febrúar nk. í samvinnu Sambands íslenskra sveitarfélaga, iðnaðarráðuneytis, samgönguráðuneytis, fjármálaráðuneytis, Byggðastofnunar og landshlutasamtaka sveitarfélaga á Vesturlandi, Vestfjörðum og Norðurlandi vestra.

Fulltrúar evrópskra samstarfsáætlana og þjónustuskrifstofa standa fyrir kynningu á styrkja- og samstarfsmöguleikum á vegum evrópskra áætlana. Kjörið tækifæri fyrir alla áhugasama að kynna sér möguleika til samstarfs á flestum sviðum menntunar, menningar og atvinnulífs.

Núgildandi byggðaáætlun rennur skeið sitt á enda í lok árs 2009. Iðnaðarráðuneytið, sem fer með byggðamál samkvæmt reglugerð um Stjórnarráðið, fól Byggðastofnun í október síðastliðnum að hefja vinnu við gerð nýrrar byggðaáætlunar sem nái til áranna 2010 – 2013.

Byggðastofnun hefur umsjón og eftirlit með mótvægisaðgerð  ríkisstjórnarinnar á sviði eflingar atvinnuþróunar og nýsköpunar árin 2008-2009.

Skýrsla um Hagvöxt landshluta birtist nú þriðja sinni og að þessu sinni er fjallað um árið 2006. Í skýrslunni kemur m.a. fram að frá 2005 til 2006 eykst landsframleiðsla í fyrsta sinn um nokkurra ára skeið meira á landsbyggðinni en á höfuðborgarsvæðinu, þó að litlu muni.

Hagstofa Íslands hefur birt yfirlit yfir mannfjölda á landinu þann 1. desember 2008. Markverðast er að fólki fjölgaði í öllum landshlutum utan Austurlands og þau miklu áhrif sem erlendir ríkisborgarar hafa á fólksfjöldaþróun í einstökum sveitarfélögum og landssvæðum.

Verkefnið "Marine-Based Employment Opportunities (MBEO)", sem aðilar frá Íslandi, Írlandi og Noregi eiga aðild að, fékk nýlega forverkefnisstyrk frá Norðurslóðaáætluninni (NPP).

Iðnaðarráðherra hefur falið Byggðastofnun að vinna byggðaáætlun fyrir árin 2010 til 2013. Í upphafi þessa verks gekkst Byggðastofnun fyrir málþingi um það undir heitinu Byggðaþróun við breyttar aðstæður.

Málþingið "Byggðaáætlun 2010-2013. Byggðaþróun við breyttar aðstæður. Sóknarfæri og áherslusvið Byggðastofunar" verður haldið að Grand Hótel Reykjavík föstudaginn 28. nóvember.