Fréttir

Norðurslóðaáætlun (NPP) Evrópusambandsins óskar eftir að ráða til starfa forstöðumann á aðalskrifstofu áætlunarinnar í Kaupmannahöfn. Nánari upplýsingar um starfsvið, menntunar- og hæfniskröfur er að finna

Landshlutasamtök sveitarfélaga undirbúa nú gerð sóknaráætlana fyrir landshlutana. Á Byggðastofnun er m.a. unnið að greiningu á upphafsstöðu í landshlutunum í nokkrum mikilvægum samfélagsþáttum. Einn þessara þátta er menntun íbúa sem þykir gefa vísbendingu um forsendu fyrir nýsköpun og samkeppnishæfni svæðis.

Byggðastofnun hefur fengið Þjóðskrá Íslands til að reikna út fasteignamat og fasteignagjöld á sömu fasteigninni á nokkrum þéttbýlisstöðum á landinu. Viðmiðunareignin er einbýlishús sem er 161,1 m2 að grunnfleti og 351m3. Stærð lóðar er 808m2. Gjöldin eru reiknuð út samkvæmt núgildandi fasteignamati sem gildir frá 31. desember 2011 og samkvæmt álagningarreglum ársins 2012 eins og þær eru í hverju sveitarfélagi.

Auglýst hefur verið eftir umsóknum um IPA-verkefnisstyrki og rennur umsóknarfrestur út þann 30. nóvember nk. Til að undirbúa væntanlega umsækjendur hafa verið haldnir kynningarfundir og námskeið sem hafa verið vel sótt. Seinni hluti námskeiða fyrir væntanlega umsækjendur vegna IPA-verkefna verða haldin dagana 23.-30. október.

Íbúaþróun á Raufarhöfn hefur um langt árabil verið mjög neikvæð, og hafa ýmsar aðgerðir opinberra aðila og heimamanna ekki megnað að snúa þeirri þróun við. Byggðastofnun hefur fylgst grannt með þessari þróun, og telur áhugavert að skoða hvort hægt sé að nálgast umræðu um málefni Raufarhafnar á annan hátt en gert hefur verið hingað til, og ekki síst að leita leiða til að fá fram skoðanir og vilja íbúanna sjálfra hvað varðar áframhaldandi þróun byggðar á Raufarhöfn.

Starf forstöðumanns fyrirtækjasviðs Byggðastofnunar var auglýst til umsóknar í Morgunblaðinu og á starfatorg.is þann 8. september s.l. Umsóknarfrestur rann út 24. september og bárust 12 umsóknir.

Erindi dr. Þórodds Bjarnasonar stjórnarformanns Byggðastofnunar, flutt á fjármálaráðstefnu sveitarfélaga, sem haldin var í Hörpu dagana 27. og 28. september 2012.

Fyrri hluti námskeiða vegna IPA-verkefnisstyrkja stendur nú yfir og er áætlað að hátt í tvöhundruð manns muni sækja námskeiðin. Fyrsta námskeiðið var haldið á Grand hotel í Reykjavík á þriðjudag og miðvikudag og á Egilsstöðum í dag og í gær. Í næstu viku verða síðan námskeið á Akureyri á mánudag og þriðjudag og á Ísafirði miðvikudag og fimmtudag.

Út er komin lokaskýrsla verkefnisins Verslun í dreifbýli sem var þriggja ára samstarfsverkefni um málefni dreifbýlisverslana sjö þjóða á norðurslóðum, Íslands, Finnlands, Noregs, Færeyja, Norður – Írlands, Írlands og Skotlands.

Alls bárust 12 umsóknir um starf forstöðumanns fyrirtækjasviðs, en umsóknarfrestur rann út þann 24. september sl. Verið er að vinna úr umsóknunum og er stefnt að því að ráða í starfið sem fyrst. Eftirfarandi sóttu um starfið: