Fréttir

Norðurslóðaáætlunin 2021-2027 mun opna fyrir umsóknir um undirbúnings- eða forverkefni þann 2. ágúst og verður opið fyrir umsóknir til 19. september. Umsóknir verða svo afgreiddar 23. nóvember. Eins og nafnið bendir til er verkefnunum ætlað að vera til undirbúnings aðalverkefna, þ.e. til að þróa verkefnahugmyndir, leita hugsanlegra samstarfsaðila og skoða fjármögnunarmöguleika aðalverkefna.

Í lok mars var íbúaþing haldið í félagsheimilinu í Búðardal í Dalabyggð. Þingið markaði upphaf samráðs við íbúa í byggðaþróunarverkefninu Brothættar byggðir sem er samstarfsverkefni á milli Dalabyggðar, Samtaka sveitarfélaga á Vesturlandi (SSV) og Byggðastofnunar. Samkvæmt samningi þessara aðila er gert ráð fyrir að verkefnið vari í um fjögur ár. Íbúar völdu nafn á verkefnið og varð heitið DalaAuður fyrir valinu. Íbúaþinginu stýrði Sigurborg Kr. Hannesdóttir hjá Ildi.

Fimmtudaginn 23. júní s.l. var haldinn íbúafundur í Félagsheimilinu í Árnesi í verkefninu Áfram Árneshreppur. Verkefnið er hluti af verkefnum Byggðastofnunar og samstarfsaðila undir heitinu Brothættar byggðir. Að þessu sinni tók Árneshreppur á móti gestum með norðaustan kalsaveðri en eins og ávallt var fróðlegt og spennandi að sækja byggðarlagið heim.

Ársfundur NORA var haldinn á Suður-Grænlandi í byrjun júní. Á fundinum var meðal annars ákveðið að styrkja sex samstarfsverkefni og nemur styrkfjárhæðin 2,6 milljónum danskra króna.

Nú er komin út skýrsla um fasteignagjöld viðmiðunareignar 2022. Samhliða skýrslunni hefur mælaborð verið uppfært fyrir öll matssvæðin í greiningunni sem eru nú 99 talsins. Heildarfasteignamat viðmiðunareignar er að meðaltali 46,3 m.kr. og fasteignagjöld að meðaltali 363 þ.kr. Mikill munur er á upphæðum fasteignagjalda milli matssvæða, sérstaklega í sameinuðum sveitarfélögum þar sem álagningarhlutföll eru þau sömu hvort sem eignir eru staðsettar í stærri eða minni byggðakjörnum sveitarfélagsins.

Móttaka var haldin til heiðurs handhafa Eyrarrósarinnar 2021, Brúðuleikhúsinu Handbendi á Hvammstanga, á Listahátíð í Reykjavík í Iðnó sl. fimmtudag. Handbendi var stofnað árið 2016 af Gretu Clough sem jafnframt er leikstjóri, brúðuleikari og listrænn stjórnandi brúðuleikhússins. Eyrarrósin hefur verið veitt frá árinu 2005 en það eru Byggðastofnun, Listahátíð í Reykjavík og Icelandair sem staðið hafa í sameiningu að viðurkenningunni, sem veitt er framúrskarandi menningarverkefni utan höfuðborgarsvæðisins. Verndari Eyrarrósarinnar er frú Eliza Reid forsetafrú og heiðraði hún samkomuna með nærveru sinni.

Íbúafundur var haldinn miðvikudaginn 15. júní sl. í byggðaþróunarverkefninu Öll vötn til Dýrafjarðar í Félagsheimilinu á Þingeyri. Fámennt en góðmennt var á fundinum. Arna Lára Jónsdóttir formaður stjórnar setti fundinn og bauð fundargesti velkomna. Því næst flutti Sigríður Elín Þórðardóttir, forstöðumaður þróunarsviðs Byggðastofnunar, ávarp.

Ársfundur Vestfjarðastofu 2022 var haldinn á Ísafirði þriðjudaginn 14. júní síðastliðinn. Til umræðu á fundinum voru framtíðarhorfur atvinnulífs og samfélaga á Vestfjörðum með yfirskriftina Vestfirðir í vörn eða sókn?

Alþingi samþykkti 15. júní sl. þingsályktunartillögu innviðaráðherra um stefnumótandi byggðaáætlun fyrir árin 2022-2036 og aðgerðaáætlun fyrir árin 2022-2026. Aðgerðaáætlunin kveður á um 44 aðgerðir. Öll ráðuneytin eru beinir aðilar að byggðaáætlun og ber hvert þeirra ábyrgð á minnst einni aðgerð. Flestar aðgerðirnar eru á ábyrgð innviðaráðuneytis, alls 12 og umhverfis-, orku- og loftslagsráðuneytið ber ábyrgð á 10 aðgerðum.

Í nýrri samantekt Byggðastofnunar, sem unnin var að beiðni Sigurðar Inga Jóhannssonar, innviðaráðherra og ráðherra byggðamála, kemur fram að rekstrarafkoma sauðfjárbúa, fyrir fjármagnsliði og afskriftir, hafi verið neikvæð frá árinu 2018. Ekki er útlit fyrir að rekstur sauðfjárbúa batni á næstu árum og að óbreyttum tekjum eru forsendur sauðfjárbúskapar brostnar.