Fréttir

Starfsfólk Byggðastofnunar lagði leið sína á Borgarfjörð eystri til funda í verkefninu Brothættar byggðir, Betri Borgarfjörður, þann 23. mars sl. eftir langt hlé vegna veirufaraldurs. Dagurinn hófst með fundi í verkefnisstjórn þar sem verkefnisstjóri, Alda Marín Kristinsdóttir, fór yfir það helsta sem á daga Borgfirðinga hefur drifið.

Stjórn Byggðastofnunar samþykkti í dag ársreikning Byggðastofnunar fyrir árið 2020.

Lögbundinn lokafrestur umsókna vegna flutningskostnaðar árið 2020 er 31. mars 2021. Athugið að ekki tekið við umsóknum sem berast eftir þann tíma. Skila þarf umsókn í gegnum umsóknargátt Byggðastofnun.

Hákoni Hansson dýralæknir á Breiðdalsvík hlaut Landstólpann 2021.

Líkt og undanfarin ár, hefur Byggðastofnun fengið Orkustofnun til að reikna út kostnað á ársgrundvelli, við raforkunotkun og húshitun á sömu fasteigninni, á nokkrum þéttbýlisstöðum og í dreifbýli. Nú er komin út skýrsla um orkukostnað heimila m.v. gjaldskrár 1. september 2020. Samhliða skýrslunni kemur jafnframt út mælaborð þar sem hægt er að skoða orkukostnað í þéttbýli á korti og súluritum. Auk staðanna sem miðað var við síðustu ár hafa 22 nýir staðir bæst við og ná tölur fyrir þá alla aftur til 2014.

Stjórn Byggðarannsóknasjóðs ákvað í árslok 2020 að styrkja lokaverkefni Gunnlaugs A. Júlíussonar til meistaraprófs, en hann útskrifaðist úr viðskiptadeild Háskóla Íslands þann 20. febrúar sl. Viðfangsefnið er fjármálastjórnun sveitarfélaga.

Sjö landa hakkaþon NORA 2021 verður haldið 19.-21. mars

Norræna upplýsingasetrið um kynjafræði (NIKK) og Norræna rannsóknarstofnunin um byggðaþróun (Nordregio), standa fyrir opinni vefráðstefnu fimmtudaginn 25. mars kl. 12:00-13:45 um tengslin milli jafnréttis og svæðisbundinnar þróunar. Á ráðstefnunni, sem ber yfirskriftina Jafnrétti – lykillinn að hagsæld dreifbýlisins, verður farið yfir það sem læra megi af rannsóknum og forvirkum stefnum (e. proactive policies) á þessu sviði, sérfræðingum í byggðaþróun og frumkvöðlum frá einangruðustu stöðum Norðurlandanna.