Fréttir

Ársfundur Byggðastofnunar verður með óhefðbundnu sniði í ár líkt og í fyrra. Fundurinn verður sendur út rafrænt frá höfuðstöðvum stofnunarinnar á Sauðárkróki fimmtudaginn 6. maí kl. 13:00. Fundurinn er öllum opinn og gert er ráð fyrir að honum ljúki um kl. 15:00.

Fyrir nokkru síðan lögðu starfsmenn Byggðastofnunar, ásamt fulltrúum Fjarðabyggðar, leið sína í Breiðdalinn í því skyni að afhenda Hákoni Hanssyni Landstólpann, samfélagsviðurkenningu Byggðastofnunar. Hákon er vel að þessum samfélagsverðlaunum kominn eins og fram kom í frétt á vef Byggðstofnunar 23. mars sl. og hefur meðal annars leitt verkefnið Breiðdælingar móta framtíðina í Brothættum byggðum.

Byggðastofnun auglýsti styrki til sveitarfélaga vegna áskorana sem fylgt hafa COVID-19 í félagsþjónustu og barnavernd í dreifðustu byggðum landsins. Alls voru veittar 30 m.kr.

Frumkvæðissjóður Sterkra Stranda hefur úthlutað styrkjum til 15 verkefna. Auglýst var eftir umsóknum 10. febrúar 2021. Umsóknarfrestur rann út 10. mars 2021. Alls voru að þessu sinni til úthlutunar kr. 7.270.000 kr.

Nýverið lauk RHA rannsókn sinni á örorku á Norðurlandi eystra, sem styrkt var úr Byggðarannsóknasjóði árið 2020. Höfundar skýrslunnar eru þau Rannveig Gústafsdóttir og Hjalti Jóhannesson.

Eimur, SSNE, SSNV, NÍN og Hacking Hekla eru að fara af stað með lausnamót á Norðurlandi.

Allt frá árinu 2005 hafa Listahátíð í Reykjavík, Byggðastofnun og Icelandair (áður Flugfélag Íslands) staðið saman að Eyrarrósinni; viðurkenningu sem veitt er framúrskarandi menningarverkefni utan höfuðborgarsvæðisins.

Eftir vaxtalækkanir Seðlabanka Íslands síðustu misseri hefur stjórn Byggðastofnunar ákveðið að lækka vaxtaprósentu verðtryggðra landbúnaðarlána stofnunarinnar.