Fréttir af ESPON

Dagana 3.-8. nóvember var haldin ESPON vika í Búdapest. ESPON vika samanstendur af stjórnarfundum verkefnisins (Monitoring Committee) og fundum landstengiliða (European Contact Point).

Ráðstefna á vegum ESPON var haldin í Trysil í Noregi dagana 10. – 12. september síðastliðinn. Þremur starfsmönnum Byggðastofnunar gafst tækifæri til að taka þátt á ráðstefnunni. Yfirskrift ráðstefnunnar að þessu sinni var Unleashing the potential of small and medium size places – barriers and opportunities.

Í lok árs 2022 setti ESPON af stað sína þriðju starfsáætlun, ESPON 2030. Nú er komið að því að kalla eftir þátttöku rannsakenda í sjö verkefnum sem skilgreind hafa verið af framkvæmdastjórn og stýrinefnd ESPON.

Telur þú þörf á kafað sé ofan í orsakir eða afleiðingar ákveðinna áskoranna innan byggðamála? Um mitt ár setti ESPON af stað nýja vinnuáætlun, ESPON 2030, og er nú óskað eftir tillögum að markvissum greiningum, eða svokölluðum targeted analysis.

ESPON hefur auglýst fyrstu útboð á rannsóknarverkum á nýju starfstímabili. Útboðin eru 7 talsins, undir fyrstu áherslu ESPON, hagnýtar rannsóknir, með heildarfjárstyrk að upphæð tæplega 640 milljónir íslenskra króna. Tilboðum á að skila ýmist 9. eða 10. febrúar 2016.

Auglýst er eftir starfsfólki í fimm störf í Lúxemborg sem tengjast ESPON, þrjú störf sérfræðinga og tvö hálf störf verkefnisstjóra. Störfin eru á vegum GIE LERAS – Luxembourg European Research & Administration Support, sem er starfsstofnun Lúxemborgarháskóla og ráðuneytis sjálfbærrar þróunar og grunngerðar í Lúxemborg. GIE LERAS starfar til stuðnings evrópskum byggða- og svæðararannsóknum. Nánari upplýsingar um störfin fást hér.

Ísland tekur þátt í ESPON 2020, samstarfsáætlun ESB um byggðarannsóknir, ásamt Noregi, Sviss og Liechtenstein. Undirbúningur stendur nú yfir á fyrsta verkefnaútboði ESPON 2020 og gert ráð fyrir því um mánaðamót október og nóvember nk. Eitt útboð er í gangi með tilboðsfrest til 14. september nk. Í því er óskað eftir tilboðum í verkefni sem felur í sér endurhönnun, uppfærslu og viðhald á ESPON-vefnum og tengdum þáttum.

Þann 11. mars nk. verður ráðstefna í svissneska sendiráðinu í Brussel um samstarfslöndin fjögur í ESPON, Sviss, Liechtenstein, Noreg og Ísland, og ESB. Ráðstefnan verður haldin undir heitinu "Potentials and Challenges for Iceland, Liechtenstein, Norway and Switzerland - and for the European Union" og til umfjöllunar verða áherslumál fyrir samstarfsverkefni byggðarannsókna á vettvangi ESPON á næsta starfstímabili.

Byggðastofnun tók þátt í uppskeruhátíð samstarfsáætlana ESB 22. nóvember sl. Margir sóttu uppskeruhátíðina, sýningarbása og ýmsa dagskrárliði sem settir voru á svið.

ESPON er ein af áætlunum ESB um milliríkjasamstarf og styrkir byggðarannsóknir í Evrópu. Öll lönd ESB eiga skylduaðild að ESPON en aðild auk þeirra eiga Noregur, Sviss, Liechtenstein og Ísland. Þátttaka íslenskra rannsóknastofnana í ESPON-verkefnum hefur farið vaxandi síðan Ísland í upphafi þessa starfstímabils, frá 2007 til 2013, gerðist aðili að ESPON.