Fréttir

Óskum viðskiptavinum okkar, samstarfsaðilum og landsmönnum öllum gleðilegra jóla og farsældar á nýju ári. Þökkum samstarfið á árinu sem er að líða. Starfsfólk Byggðastofnunar

Vinnumálastofnun stýrir Evrópuverkefninu FREE - Female Rural Enterprise Empowerment en verkefnið hefur fengið 40 milljónir í styrk úr Erasmus+ áætlun Evrópusambandsins. Samstarfsaðilar í verkefninu eru sjö talsins og koma frá Bretlandi, Króatíu, Búlgaríu og Litháen en auk Vinnumálastofnunar á Íslandi tekur Byggðastofnun þátt í verkefninu.

ESPON hefur auglýst fyrstu útboð á rannsóknarverkum á nýju starfstímabili. Útboðin eru 7 talsins, undir fyrstu áherslu ESPON, hagnýtar rannsóknir, með heildarfjárstyrk að upphæð tæplega 640 milljónir íslenskra króna. Tilboðum á að skila ýmist 9. eða 10. febrúar 2016.

Eyrarrósin verður veitt í tólfta sinn snemma árs 2016, fyrir framúrskarandi menningarverkefni á starfssvæði Byggðastofnunar. Markmið viðurkenningarinnar er að beina sjónum að og hvetja til menningarlegrar fjölbreytni, nýsköpunar og uppbyggingar á sviði menningar og lista.

Stjórn og starfsfólk Byggðastofnunar og borgarstjóri og starfsmenn Reykjavíkurborgar héldu fund mánudaginn 14. desember 2015 í ráðhúsi Reykjavíkur. Á fundinum var rætt um gerði nýrrar byggðaáætlunar fyrir árin 2017-2023 og aðkomu Reykjavíkurborgar og sveitarfélaga á höfuðborgarsvæðinu að því verkefni. Lög um byggðaáætlun og sóknaráætlanir voru samþykkt á Alþingi þann 30. júní síðast liðinn. Með lögunum er verklag sóknaráætlana fest í sessi og tengt beint við byggðaáætlun. Hlutverk landshlutasamtaka sveitarfélaga er varða svæðisbundna áætlanagerð er skilgreint og stýrihópur stjórnarráðsins um byggðamál er lögfestur, en hann á að efla samráð og samhæfingu milli ráðuneyta og tryggja samráð við sveitarstjórnarstigið.

Nordregio auglýsir stöðu yfirmanns rannsókna/aðstoðarfortjóra lausa til umsóknar.

Út er komin lokaskýrsla Atvinnuvega- og nýsköpunarráðuneytis um úttekt á starfsemi sjóða og stofnana sem heyra undir ráðuneytið í að skoða hlut kynja við úthlutun fjármagns og verklag og aðferðir við úthlutun fjármagns svo það nýtist aðilum sem jafnast óháð kyni. Verkefnið er hluti af vinnu við kynjaða hagstjórn og fjárlagagerð (KHF).

Komin er út skýrslan Hagvöxtur landshluta 2009-2013 og er þetta í sjöunda skipti sem slík úttekt er unnin af Hagfræðistofnun Háskóla Íslands í samvinnu við Þróunarsvið Byggðastofnunar. Að þessu sinni eru tekin fyrir árin eftir bankahrunið 2008 og mælistiku slegið á hagvaxtarþróun eftir svæðinum á því tímabili.

Á grundvelli bráðabirgðaákvæðis XIII í lögum nr.116/2006, um stjórn fiskveiða, með síðari breytingum og reglugerðar nr.1064/2015, auglýsir Byggðastofnun eftir samstarfsaðilum um nýtingu viðbótaraflaheimilda í Grímsey í Akureyrarkaupstað allt að 400 þorskígildistonnum á fiskveiðiárunum 2015/2016, 2016/2017 og 2018/2019.

Í skýrslunni Staða kvenna í landbúnaði og tengdum greinum sem Byggðastofnun vann fyrir sjávarútvegs- og landbúnaðarráðuneyti kemur m.a. fram að meiri nýliðun sé meðal karla en kvenna í landbúnaðartengdri starfsemi. Síðustu 45 ár var fjöldi stofnaðra landbúnaðarfyrirtækja 2.031, en konur stofnuðu aðeins 232 þeirra eða 11%. Margar fleiri áhugaverðar upplýsingar koma fram í skýrslunni.