Fréttir

Byggðaráðstefnan 2023 fer fram í Reykjanesbæ 2. nóvember. Dagskránni verður streymt og tengilinn að streyminu má finna hér. Dagskrá ráðstefnunnar má finna hér og hefst hún kl 09:00.

Byggðastofnun hefur tekið ákvörðun um breytingar á útnefningu Íslandspósts ohf. sem alþjónustuveitanda á sviði póstþjónustu, nr. Á-14/2023.

Íbúakönnun landshlutanna er nú farin af stað. Könnunin er á vegum Byggðastofnunar, landshlutasamtakanna og atvinnuþróunarfélaga og er hún ætluð öllum íbúum á Íslandi sem náð hafa 18 ára aldri.

Byggðaþróunarverkefnið Brothættar byggðir hefur verið starfrækt í um áratug. Til þessa hafa alls fjórtán byggðarlög tekið þátt í verkefninu. Verkefnið er ein af aðgerðum (C.2) í gildandi byggðaáætlun stjórnvalda og er sértækt verkfæri Byggðastofnunar til að aðstoða byggðarlög sem standa höllum fæti. Í tvígang hefur verið lagt mat á verkefnið af ráðgjafafyrirtækjum, fyrst árið 2015 af EY. Nýverið lauk KPMG áhrifamati á verkefninu.

Nú hefur verið lokað fyrir skráningu á Byggðaráðstefnuna 2023 sem fram fer í Reykjanesbæ 2. nóvember næstkomandi.

Föstudaginn 20. október var skrifað undir samkomulag um samstarf milli Byggðastofnunar og Háskólans á Bifröst. Arnar Már Elíasson forstjóri og Sigríður Elín Þórðardóttir forstöðumaður þróunarsviðs skrifuðu undir fyrir hönd Byggðastofnunar og Margrét Jónsdóttir Njarðvík rektor og Stefan Wendt staðgengill rektors fyrir hönd Háskólans á Bifröst.

Stjórn Byggðastofnunar tók þá ákvörðun 18. október sl. að lækka álag á óverðtryggða vexti landbúnaðarlána.

Byggðastofnun auglýsir styrki til meistaranema sem vinna að lokaverkefnum á sviði byggðaþróunar. Kostur er ef verkefnin hafa skírskotun til byggðaáætlunar. Til úthlutunar er allt að 1.000.000 kr. og stefnt er að því að veita allt að fjóra styrki.

Stjórn Norðurslóðaáætlunarinnar hefur samþykkt að styðja tvær af þeim níu umsóknum sem bárust í þriðja kalli sem lauk 26. maí sl. Þetta er lægra hlutfall samþykktra umsókna en í fyrri köllum á áætlunartímabilinu en í fyrsta kalli var árangurhlutfallið 8/19 eða 42% og í öðru kallinu 6/9 eða 67%. Af þessum níu umsóknum voru sex með íslenskum þátttakendum og í báðum þeim sem samþykktar voru.

Byggðastofnun, Samtök sveitarfélaga á Norðurlandi vestra, Húsnæðis- og mannvirkjastofnun, Samtök iðnaðarins og Lóa nýsköpunarstyrkur standa saman að opnum fundi á Kaffi Krók í hádeginu næsta fimmtudag, 19.október og er hann öllum opinn.