Fréttir

Í skýrslunni Staða Norðurlandanna 2013, sem unnin er af Nordregio og gefin var út fyrr á árinu, er umfangsmikil greining á norrænni svæðaþróun. Hún beinist aðallega að lýðfræðilegum breytingum, atvinnumálum og hagrænni þróun á norræna svæðinu. Skýrslan varpar ljósi á hversu vel Ísland stendur í norrænu samhengi.

Fasteignamat íbúðarhúsnæðis hefur hækkað mjög mis mikið í prósentum á milli áranna 2010 og 2014 eftir einstökum þéttbýlisstöðum. Mest hefur hækkun matsins í prósentum verið í Vestmannaeyjum 70,6% og næst mest á Höfn í Hornafirði og á Siglufirði 64,1%. Þetta eru einu staðirnir þar sem hækkunin er yfir 50%. Hólmavík liggur þó nærri með 48,7% hækkun en engir aðrir staðir ná 40% hækkun.