Fréttir af NPA

Íslenskir þátttakendur eru í sjö verkefnum af þeim níu sem hlutu styrki í fjórða kalli Norðurslóðaáætlunarinnar, þar af eitt verkefni sem leitt er af íslenskum aðila.

Opnað hefur verið fyrir umsóknir í fimmta kalli Norðurslóðaáætlunarinnar og er umsóknarfrestur til 30. september n.k. Í ljósi þess að nokkuð er gengið á fjármuni áætlunarinnar er gert ráð fyrir að þetta verði síðasta kallið að sinni þar sem opið er fyrir umsóknir á öllum áherslusviðum áætlunarinnar. Það er því um að gera að nýta tækifærið nú áður en þrengt verður að því á hvaða sviðum umsóknir þurfa að vera.

Stjórn Norðurslóðaáætlunarinnar samþykkti á fundi sínum fyrr í mánuðinum átta ný forverkefni sem hafa það að markmiði að undirbúa umsóknir um aðalverkefni. Af þessum átta verkefnum eru þrjú með íslenskum þátttakendum en þau eru:

Opnað verður fyrir umsóknir um aðalverkefni í Norðurslóðaáætluninni 11. október nk. og er umsóknarfrestur til 2. febrúar 2024. Opið er fyrir umsóknir undir öllum þremur áherlsusviðum áætlunarinnar. Frekari upplýsingar er að finna hér á heimasiðu áætlunarinnar og hjá landstengilið hennar, Reinhard Reynissyn, reinhard@byggdastofnun.is

Opnað hefur verið fyrir umsóknir um undirbúningsverkefni í Norðurslóðaáætluninni (NPA) og er umsóknarfrestur til kl. 10:00 þann 22. september (hádegi skv. mið-evrópskum tíma). Gert er ráð fyrir að umsóknir verði afgreiddar seinni hluta nóvember.

Heilbrigðis- og velferðarklasi Norðurlands er þátttakandi í verkefninu SelfCare – Self-management of health and wellbeing in rural areas sem hefur verið valið sem eitt af sex forverkefnum í öðru kalli Norðurslóðaáætlunarinnar.

Sex af níu umsóknum í öðru kalli Norðurslóðaáætlunarinnar 2021-2027 hafa verið samþykktar. Heildarframlögin til þeirra eru rúmar fimm milljónir evra sem þýðir að nú hefur verið ráðstafað rúmum 13 milljónum evra eða um 28% af heildarfjármagni áætlunarinnar til verkefna.

Starfsemi Norðurslóðaáætlunarinnar 2021-2027 er komin á fullan snúning og nú hefur verið opnað fyrir umsóknir í þriðja aðalkalli sem verður opið til 26. maí. Til að auðvelda væntanlegum umsækjendum að forma verkefnahugmyndir í takt við áherslur áætlunarinnar og fara yfir ýmis tæknileg atriði verða á næstunni haldnir nokkrir vefviðburðir.

Athygli er vakin á næstu köllum Norðurslóðaáætlunarinnar, en þau eru áætluð sem hér segir: Þriðja kall eftir aðalverkefnum verður opið frá 17. apríl – 26. maí og umsóknir afgreiddar 27. september. Næsta kall eftir undirbúningsverkefnum verður opið 23. ágúst – 23. september og umsóknir afgreiddar í lok nóvember. Fjórða kall eftir aðalverkefnum verður opið frá 4. október – 17. nóvember og umsóknir afgreiddar í mars 2024.

Alls bárust sjö umsóknir í öðru kalli Norðurslóðaáætlunarinnar vegna undirbúningsverkefna sem lauk 8. mars sl. og hafa þær allar verið metnar hæfar til mats (eligible). Íslenskir þátttakendur eru þrír að þessu sinni í tveimur verkefnum og þar af er annað leitt af íslenskum aðila.