Fréttir

Sveitarfélögin Luleå í Svíþjóð, Bodö í Noregi og Samband sveitarfélaga í Færeyjum leita eftir íslensku sveitarfélagi til að taka þátt í þróunarverkefni sem ber heitið "Our life as elderly" - nýjar hugmyndir um skipulag þjónustu fyrir eldri borgara.

Byggðastofnun hefur í samstarfi við Hagfræðistofnun Háskóla Íslands unnið tölur um hagvöxt í einstökum landshlutum. Í byggðarlegu tilliti er mikilvægt að áreiðanlegar upplýsingar séu til um hagþróun á einstökum svæðum á Íslandi, m.a. til að samanburður við aðrar þjóðir verði auðveldari.

Árshlutareikningur Byggðastofnunar fyrir janúar til júní 2007 var staðfestur af stjórn stofnunarinnar 17. ágúst 2007.Hagnaður tímabilsins nam 4.018 þús. kr.

NORA auglýsir eftir umsóknum um styrki til samstarfsverkefna á milli Íslands og hinna NORA-landanna, þ.e. Grænlands, Færeyja og Noregs. Umsóknarfrestur er 5. október nk.

  Hér á síðunni má nú finna gagnagrunn og kerfi fyrir myndræna framsetningu  á íbúaþróun einstakra landsvæða og skráðra sveitarfélaga  1. des. 2006. Með því að smella á  hnappinn „Íbúaþróun" á heimasíðunni má finna leiðbeiningar um notkun á gagnagrunnskerfinu.

Á ársfundi Norrænu Atlantsnefndarinnar, NORA, á Lofoten dagana 4.-6. júní sl. voru veittir verkefnastyrkir að upphæð um 35 milljónir íslenskra króna og er það fyrrri styrkjaúthlutun árið 2007. Íslendingar eru þátttakendur í 17 verkefnum af 23 sem hljóta styrk. Síðari umsóknarfrestur þessa árs verður auglýstur með haustinu.

Þann 7. maí leysti Byggðastofnun til sín eignarhlut Kagrafells ehf. í rækjuverksmiðjunni Miðfelli ehf. á Ísafirði.  Um var að ræða lið í skuldaskilum Kagrafells ehf. við Byggðastofnun. 

Nýr Iðnaðar- og byggðamálaráðherra, Össur Skarphéðinsson heimsótti Byggðastofnun 19. júní sl. ásamt Sveini Þorgrímssyni skrifstofustjóra í Iðnaðarráðuneytinu og Einari Karli Haraldssyni aðastoðarmanni ráðherra. 

Ársfundur Norrænu Atlantsnefndarinnar, NORA, var haldinn í Svolvær á Lofoten í Noregi, dagana 4.-7. júní. Kaspar Lytthans lætur af störfum sem framkvæmdastjóri NORA og við tekur Lars Thostrup þann 1. ágúst nk.

Á dögunum lauk verkefninu útflutningsaukning og hagvöxtur.  Um er að ræða þróunarverkefni fyrir lítil og meðalstór fyrirtæki sem hafa áhuga á að hefja útflutning eða festa í sessi útflutning sem þegar er hafinn.