Fréttir

Þriðjudaginn 31. maí komu fulltrúar atvinnuþróunarfélaganna, vaxtarsamninganna og Byggðastofnunar saman til árlegs vorfundar. Mætt var frá öllum ofangreindum aðilum til fundarins sem haldinn var á Grand Hótel í Reykjavík.

Á fundinum var meðal annars fjallað um stoðkerfið og hugmyndir um breytingar á því, vinnu að sóknaráætlunum landshluta, framkvæmd vaxtarsamninga og NPP verkefnið um verslun í dreifbýli.

Líflegar umræður og skoðanaskipti fóru fram á fundinum en markmið vorfundanna er að vera vettvangur þar sem ofangreindir aðilar hittast og ræða þau mál og viðfangsefni sem efst eru á baugi í starfinu.