Fréttir

NPP verkefnið Our Life as Elderly II sigraði RegioStars 2011 verðlaunin í flokknum Promotional photo of a co-funded project með mynd sinni "Age makes no difference". Tilgangur Evrópusambandsins með því að veita RegioStars verðlaunin er að finna og vekja athygli á góðum svæðisbundnum þróunarverkefnum og fyrirmyndum. RegioStars verðlaunin eru eftirsóknarverðustu verðlaun sem ESB verkefni geta hlotið.

Niclas Forsling, skrifstofustjóra Norðurslóðaáætlunar tók við verðlaununum fyrir hönd verkefnisins við hátíðlega athöfn í tengslum við ráðstefnuna Regions for Economic Change í Brussel þann 23. júní sl. Almenningi gafst kostur á að taka þátt í vali mynda í netkosningu. Yfir 3.000 manns tóku þátt í kosningunni en sérstök dómnefnd hafði síðan lokaorðið.

Íslenskir samstarfsaðilar verkefnisins eru Öldrunarheimilin á Akureyri, félagsþjónustan í Hafnarfirði og Heilbrigðisstofnun Suðausturlands. En auk þeirra taka þátt aðilar frá Noregi, Svíþjóð, Finnlandi og Færeyjum.

Markmið verkefnisins er að þróa leiðir til að bregðast við fyrirsjáanlegri fjölgun aldraðra, hlutfallslega minni fjárframlögum og auknum erfiðleikum við að fá starfsfólk til starfa í öldrunarþjónustu.

Íslendingar eru hraustari við starfslok og lifa lengur en fyrri kynslóðir. Í fyrirsjáanlegri framtíð verður mikil fjölgun eldra fólks og er reiknað með að árið 2040 verði nálægt 25% þjóðarinnar 67 ára og eldri. Þessi lýðfræðilega breyting krefst nýrra hugmynda og lausna og því er nauðsynlegt að þróa umönnun aldraðra og þjónustu tengda því. Einnig er mikilvægt að lífsgæðin haldist og nauðsynlegt að viðhalda líkamlegri og andlegri færni fólks.

Verkefnið leggur ástæðu á fjóra meginþætti öldrunarþjónustu: 1. Hæfni og ráðning starfsfólks (competence and recruiting). 2. Þjónusta í heilsu- og heilbrigðisþjónustu (health and social services). 3. Húsnæðismál (housing and services) og 4. Tengslanet eldra fólks (networks). OLE 2 leggur áherslu á nýjar lausnir/afurðir og þjónustu fyrir þessi svið.

Heimasíða verkefnisins Our Life as Elderly II

Á vefslóðinni http://ec.europa.eu/regional_policy/index_en.cfm er að finna frekari upplýsingar.