Fréttir

Á ársfundi Byggðastofnunar sem haldinn verður í Miðgarði í Varmahlíð föstudaginn 15. apríl nk. verður í sjötta sinn veitt viðurkenning undir heitinu „Landstólpinn. Samfélagsviðurkenning Byggðastofnunar“.

Norðurslóðaáætlunin (NPA) samþykkti á stjórnarfundi 24. febrúar sl.stuðning við fimm ný verkefni, þar af eru þrjú með íslenskum þátttakendum. Heildarkostnaður verkefna er um 5.7 milljónir evra eða um 804 milljónir íslenskra króna.

Opnað hefur verið fyrir umsóknir vegna flutningsjöfnunarstyrks.

Byggðastofnun auglýsir styrki til meistaranema sem vinna að lokaverkefnum á sviði byggðamála, tengdum byggðaáætlun 2014-2017. Til úthlutunar er allt að 1.000.000 kr. og stefnt að því að veita fjóra styrki.

Verksmiðjan á Hjalteyri er handhafi Eyrarrósarinnar 2016 en hún er árlega veitt framúrskarandi menningarverkefni á landsbyggðinni. Aðstandendur Verksmiðjunnar veittu viðurkenningunni móttöku við athöfn í Frystiklefanum á Rifi í gær.

Ákveðið hefur verið að fresta íbúaþingi sem halda átti í Grímsey annað kvöld, eða föstudaginn 19. febrúar og laugardag, þann tuttugasta. Þessi ákvörðun var tekin í ljósi afleitrar veðurspár fyrir næstu daga. Óvíst er hvort hægt verður að fljúga út í Grímsey á morgun, föstudag og eftir það bendir spáin til þess að ekki verði hægt að fljúga til baka fyrr en jafnvel á þriðjudag.

Fjöldi menningartengdra verkefna víðs vegar að af landinu sóttist eftir tilnefningu til Eyrarrósarinnar 2016. Dorrit Moussaieff, forsetafrú og verndari Eyrarrósarinnar, afhendir verðlaunin við hátíðlega athöfn í Frystiklefanum á Rifi 18. febrúar næstkomandi. Hún hefur afhent Eyrarrósina frá upphafi, eða tólf sinnum.

Norræna Atlantssamstarfið, NORA, styrkir samstarf á Norður-Atlantshafssvæðinu og veitir verkefnastyrki tvisvar á ári. Nú óskar NORA eftir styrkumsóknum með umsóknarfrest mánudaginn 7. mars 2016.

Undirritaður hefur verið samningur um aukna byggðafestu á vinnusóknarsvæðum þéttbýlisstaða á sunnanverðum Vestfjörðum. Samningurinn felur í sér samstarf um nýtingu á 400 þorskígildistonna aflamarki árlega í þrjú ár. Að samkomulaginu koma, auk Byggðastofnunar, Oddi hf. á Patreksfirði og útgerðarfyrirtækin Stegla ehf. og Garraútgerðin ehf. á Tálknafirði.

Opnað verður fyrir umsóknir vegna flutningsjöfnunarstyrkja þann 1. mars nk. Um svæðisbundna flutningsjöfnun gilda lög nr. 160/2011 og reglugerð nr. 67/2012. Þeir sem rétt hafa á að sækja um eru einstaklingar eða lögaðilar sem stunda framleiðslu á vöru sem fellur undir c-bálk íslensku atvinnugreinaflokunarinnar. Þá þarf flutningsvegalengd á markað að vera að lágmarki 245 km frá framleiðslustað.