Fréttir

Á grundvelli bráðabirgðaákvæðis XIII í lögum nr.116/2006, um stjórn fiskveiða, með síðari breytingum og reglugerðar nr.606/2015, auglýsir Byggðastofnun eftir samstarfsaðilum um nýtingu viðbótaraflaheimilda á Tálknafirði í Tálknafjarðarhreppi, allt að 400 þorskígildistonnum.

Á grundvelli bráðabirgðaákvæðis XIII í lögum nr.116/2006, um stjórn fiskveiða, með síðari breytingum, auglýsir Byggðastofnun eftir samstarfsaðilum um nýtingu viðbótaraflaheimilda á Breiðdalsvík í Breiðdalshreppi, allt að 150 þorskígildistonnum. Um er að ræða viðbót við 150 þorskígildistonn sem þegar hefur verið samið um nýtingu á á Breiðdalsvík.

Nýrri heimasíða NPA (Northern Periphery and Arctic Programme 2014-2020) hefur verið ýtt úr vör. Á síðunni er hægt að nálgast gagnlegar upplýsingar um áætlunina, verkefni, umsóknir, handbækur o.fl.

Fyrsti fundur nýskipaðrar verkefnisstjórnar í verkefninu „Brothættar byggðir“ í Hrísey var haldinn s.l. fimmtudag, 10. september. Á fundinn mættu fulltrúar Byggðastofnunar, Akureyrarbæjar, Atvinnuþróunarfélags Eyjafjarðar, Eyþings og íbúa í Hrísey. Rætt var um stöðuna í Hrísey bæði hvað varðar atvinnulíf og samfélag og um skipulag samstarfsins framundan.

Um miðjan ágúst óskaði sjávarútvegs- og landbúnaðarráðherra eftir að Byggðastofnun tæki saman upplýsingar um mat á byggðalegum áhrifum viðskiptabanns Rússa.

Norræna Atlantssamstarfið, NORA, styrkir samstarf á Norður-Atlantshafssvæðinu. Í því augnamiði veitir NORA verkefnastyrki tvisvar á ári til verkefna sem eru í samstarfi a.m.k. tveggja aðildarlanda, en löndin innan NORA eru Ísland, Grænland, Færeyjar og strandhéruð Noregs. Nú óskar NORA eftir styrkumsóknum með umsóknarfrest mánudaginn 5. október 2015.

Í byrjun september var ný norræn kortavefsjá formlega tekin í notkun. Með vefsjánni er hægt að nálgast samanburðarhæfar upplýsingar um lýðfræði, vinnumarkað og áhrifasvæði borga/stærra þéttbýlis. Gera má ráð fyrir að fleiri gagnasett komi inn í gagnagrunninn og hann verði þróaður áfram.

Auglýst er eftir starfsfólki í fimm störf í Lúxemborg sem tengjast ESPON, þrjú störf sérfræðinga og tvö hálf störf verkefnisstjóra. Störfin eru á vegum GIE LERAS – Luxembourg European Research & Administration Support, sem er starfsstofnun Lúxemborgarháskóla og ráðuneytis sjálfbærrar þróunar og grunngerðar í Lúxemborg. GIE LERAS starfar til stuðnings evrópskum byggða- og svæðararannsóknum. Nánari upplýsingar um störfin fást hér.

Ísland tekur þátt í ESPON 2020, samstarfsáætlun ESB um byggðarannsóknir, ásamt Noregi, Sviss og Liechtenstein. Undirbúningur stendur nú yfir á fyrsta verkefnaútboði ESPON 2020 og gert ráð fyrir því um mánaðamót október og nóvember nk. Eitt útboð er í gangi með tilboðsfrest til 14. september nk. Í því er óskað eftir tilboðum í verkefni sem felur í sér endurhönnun, uppfærslu og viðhald á ESPON-vefnum og tengdum þáttum.

Árshlutareikningur Byggðastofnunar fyrir tímabilið janúar – júní 2015, var staðfestur af stjórn stofnunarinnar 27. ágúst 2015. Hagnaður tímabilsins nam 36,5 milljónum króna. Eiginfjárhlutfall í lok júní skv. eiginfjárákvæðum laga nr. 161/2002 um fjármálafyrirtæki var 21,38% en var 20,2% í lok árs 2014.