Fréttir

Á ársfundi NORA sem haldinn var í Noregi í lok maí sl. var samþykkt að styrkja níu samstarfsverkefni. Nemur styrkfjárhæðin alls tæpum 2,8 milljónum danskra króna, eða tæpum 50 mkr. Íslendingar taka þátt í öllum verkefnunum og leiða sum þeirra, en íslensk þátttaka í NORA-verkefnum er ávallt mjög góð. Sex af níu verkefnum hlutu framhaldsstyrk, en hægt er að sækja um styrk að hámarki til þriggja ára, með því að endurnýja umsókn árlega.

Byggðastofnun í samstarfi við Austurbrú, Breiðdalshrepp, Samband íslenskra sveitarfélaga og Samband sveitarfélaga á Austurlandi stendur að ráðstefnunni sem er ætlað að kynna nýjar rannsóknir í byggðamálum og reynslu af hagnýtu starfi og vera á þeim grunni vettvangur fyrir umræðu um stefnumótun. Ráðstefnan er haldin á Breiðdalsvík er það gert til að veita þátttakendum innsýn í lífskjör heimamanna og áskoranir og tækifæri sem þeir standa frammi fyrir.

Viljirðu setja fram tillögu í byggðaáætlun 2017-2023 sem nú er í mótun er það hægt hér á heimasíðu Byggðastofnunar, undir BYGGÐAÁÆTLUN. Tillögur sem gerðar verða í tillöguformið verða lagðar fyrir verkefnisstjórn byggðaáætlunar og hún tekur afstöðu til þeirra. Á þessu svæði heimasíðunnar er líka að finna upplýsingar um áætlunarvinnuna, fyrri byggðaáætlanir og sóknaráætlanir landshluta. Eftir því sem efni verður til, tengt byggðaáætlun, mun það verða lagt þarna inn.

Ekki ljóst hvaða afleiðingar úrsögn Bretlands úr Evrópusambandi muni hafa á þátttöku Skotlands og Norður-Írlands í Norðurslóðaáætluninni. En ákveðið var að framlengja fjórða umsóknarfresti til 30. nóvember nk. frekari upplýsingar eru á heimasíðu NPA.

Vegna sauðfjárhluta búvörusamnings ríkisins og Bændasamtakanna tók Byggðastofnun saman upplýsingar um dreifingu sauðfjárbúa og frístundabúskapar á Íslandi. Ákveðið var að birta þau gögn sem urðu til í þeirri vinnu í meðfylgjandi samantekt.

Byggðastofnun hefur fengið Þjóðskrá Íslands til að reikna út fasteignamat og fasteignagjöld á sömu fasteigninni á nokkrum þéttbýlisstöðum á landinu eins og undanfarin ár. Viðmiðunareignin er einbýlishús sem er 161,1 m2 að grunnfleti og lóðarstærð er 808m2. Hér má sjá samanburð á milli nokkurra þéttbýla.

Stjórn Byggðastofnunar hefur falið verkefnisstjórn byggðaþróunarverkefnisins Bíldudalur – samtal um framtíðina að úthluta í ár, 2016, fimm milljónum króna til að styrkja verkefni og atburði sem falla að áherslum verkefnisins.

Þegar verkefnið „Bíldudalur – samtal um framtíðina“, hófst haustið 2013, ríkti óvissa um stöðu byggðar á Bíldudal en vonir stóðu til uppbyggingar í fiskeldi. Sú hefur nú orðið raunin og íbúum fjölgar jafnt og þétt. Því líður nú að lokum verkefnisins, sem er eitt af sjö verkefnum á vegum Byggðastofnunar undir heitinu „Brothættar byggðir“. Miðvikudaginn 18. maí, var haldinn íbúafundur á Bíldudal þar sem staða verkefnisins var metin og rætt um styrkveitingar og hvernig hægt sé að tryggja að verkefnið skili árangri til lengri tíma.

Byggðastofnun veitir lán í erlendri mynt, í bandaríkjadal (USD), evrum (EUR) og japönskum jenum (JPY). Lán í erlendri mynt eru að jafnaði veitt til 10-12 ára ,hámarks lánstími er 15 ár. Vextir á erlendum lánum eru breytilegir og miðast við millibankavexti að viðbættu álagi. Ávallt er krafist veðtrygginga fyrir lánunum, veð geta verið fasteignir, skip eða lausafé. Hámarks veðsetningarhlutfall er 70% af verðmæti fasteigna og 50% af verðmæti skipa og/eða annars lausafjár. Byggðastofnun veitir einungis lán í erlendri mynt til fyrirtækja sem hafa tekjur í erlendri mynt.

Íbúar Grímseyjar eiga sér þá framtíðarsýn að byggð í eynni blómstri, með útgerð og ferðaþjónustu og vel hirtu umhverfi. Börnin í grunnskólanum telja einstakt að alast upp í Grímsey og eru ánægð með nálægð við náttúruna og samfélag sem er eins og ein fjölskylda.