Fréttir

Gríðarleg aukning hefur verið í fjölda ferðamanna til Íslands síðustu ár og virðist lítið lát vera þar á. Byggðastofnun hefur fjármagnað fjöldamörg verkefni í ferðaþjónustu enda sú grein í hvað örustum vexti á landinu öllu.

Af því tilefni lagði stofnunin í talsverða vinnu á síðasta ári við greiningu á ferðamannamarkaðnum. Hún skilaði sér í meðfylgjandi skýrslu sem unnin var af Hörpu Sif Jónsdóttur, meistaranema við Háskólann í Gautaborg og Elínu Gróu Karlsdóttur, fyrrverandi forstöðumanni Fyrirtækjasviðs Byggðastofnunnar.

Um leið og stofnunin þakkar þeim fyrir þeirra vinnu er það von okkar að skýrslan muni nýtast áhugasömum í greiningu á þessum mikilvæga markaði og ekki síður varpa ljósi á hvert hann stefnir.

Ferðaþjónustan - staða og horfur 2016