Fréttir

Lokið hefur verið að taka saman árskýrslu AVS sjóðsins fyrir árið 2014 og setja hana upp. Hún er unnin á svipaðan hátt og skýrslurnar síðustu ár og hefur að geyma ýmsar upplýsingar um starfsemi sjóðsins á liðnu ári.

Á ársfundi NORA í byrjun júní var samþykkt að styrkja níu samstarfsverkefni. Íslenskir aðilar taka þátt í þeim öllum og leiða sum þeirra.

Byggðastofnun hefur fengið Þjóðskrá Íslands til að reikna út fasteignamat og fasteignagjöld á sömu fasteigninni á nokkrum þéttbýlisstöðum á landinu eins og undanfarin ár. Viðmiðunareignin er einbýlishús sem er 161,1 m2 að grunnfleti og lóðarstærð er 808m2.

Bjarni Kr. Grímsson hefur verið ráðinn til Austurbrúar sem verkefnisstjóri í verkefninu „Brothættar byggðir“ á Austurlandi.

Nú hefur verið undirritaður samstarfssamningur um framhald verkefnisins „Raufarhöfn og framtíðin.“ Var það gert á fundi verkefnisstjórnar verkefnisins sem var haldinn á Raufarhöfn í sól og blíðu þann 13. maí. Á fundinum var nýráðinn verkefnisstjóri, Silja Jóhannesdóttir, boðin velkomin til starfa.

Nýverið samþykkti stjórn Byggðastofnunar á fundi sínum að taka þrjú byggðarlög inn í verkefnið um framtíð brothættra byggða. Þau byggðarlög eru annars vegar Kópasker og nágrenni, sem tilheyrir Norðurþingi, hins vegar eyjarnar Grímsey og Hrísey sem tilheyra Akureyrarkaupstað.

Frá árinu 1997 hefur Nordregio unnoð kort til að lýsa ástandi eða stöðu fjölda félagslegra, efnahagslegra og umhverfis breyta á Norðurlöndunum. Með Nordmap er verið að færa þá vinnu upp á nýtt plan. NordMap er norræn kortavefsjá sem inniheldur samanburðargögn um lýðfræði og vinnumarkað. Í vefsjáninni er hægt að bera saman gögn eftir sveitarfélögum og landsvæðum á Norðurlöndunum.

Á stjórnarfundi NPA 9. júní sl.var samþykkt að styrkja sex ný verkefni. Samtals var úthlutað um 6,8 milljónum evra, þar af eru tvö verkefni með íslenskum þátttakendum sem fá um 2,3 milljónir evra.

Landshlutasamtök sveitarfélaga og atvinnuþróunarfélög í samstarfi við Byggðastofnun könnuðu staðsetningu ríkisstarfa árið 2013. Könnunin er uppfærsla á annarri könnun sem Byggðastofnun gerði 1994 og var þá liður í undirbúningi fyrir stefnumótandi byggðaáætlun 1994-1997. Uppfærsluna og samanburðinn má sjá á bls. 43-47 í Stöðugreiningu 2013, fylgiriti með stefnumótandi byggðaáætlun 2014-2017, sem sækja má á heimasíðu Byggðastofnunar. Þessa uppfærslu jók Byggðastofnun við á árinu 2014 þannig að hún nær til allra stofnana ríkisins og hlutafélaga sem ríkið á að meirihluta og til þéttbýlisstaða á höfuðborgarsvæðinu.

Byggðastofnun hefur fengið Orkustofnun til að reikna út kostnað við raforkunotkun og húshitun á sömu fasteigninni á nokkrum þéttbýlisstöðum og nokkrum stöðum í dreifbýli á ársgrundvelli. Viðmiðunareignin er einbýlishús sem er 140 m2 að grunnfleti og 350m3. Gjöldin eru reiknuð út samkvæmt gjaldskrá þann 1. apríl 2015.