Fréttir

Þann 16. janúar sl. funduðu sveitarstjórn og sveitarstjóri Strandabyggðar með fulltrúum Byggðastofnunar í verkefninu Brothættar byggðir. Fundurinn var fræðslufundur um verkefnið, haldinn í kjölfar þess að stjórn stofnunarinnar samþykkti inngöngu Strandabyggðar í verkefnið. Fulltrúar Byggðastofnunar kynntu verkefnið og verklag þess og góðar umræður sköpuðumst um verkefnið í Strandabyggð.

Samgöngu- og sveitarstjórnarráðherra hefur staðfest tillögur valnefndar um verkefnastyrki vegna fjarvinnslustöðva sem veittir eru á grundvelli stefnumótandi byggðaáætlunar fyrir árin 2018-2024 (aðgerð B.8 - fjarvinnslustöðvar). Að þessu sinni var 24 milljónum króna úthlutað til þriggja verkefna fyrir árin 2019-2020. Þá hafa einnig verið gefin fyrirheit um styrki að heildarupphæð 55 milljónum króna til ársins 2023. Auglýst voru framlög fyrir árin 2019-2020 en heimilt er að styrkja sama verkefni til allt að fimm ára, með fyrirvara um fjárheimildir fjárlaga hvers árs.

Stjórn Byggðastofnunar ákvað á fundi sínum þann 17. desember sl. að styrkja þrjá meistaranema sem vinna að lokaverkefnum á sviði byggðamála. Heildarupphæð styrkjanna er ein milljón króna. Veittur er einn styrkur að upphæð 400.000 krónur, en tvö verkefni hljóta styrk að fjárhæð 300.000 krónur. Viðfangsefnin snúast um hvernig byggja megi upp miðbæjarkjarna í þéttbýli, stöðu þorpa gagnvart stærri byggðakjörnum innan sama sveitarfélags og það verkefni sem hæstan styrk hlýtur snýst um að kanna hvernig byggingar sem hýst hafa atvinnustarfsemi en gera ekki lengur geta nýst og eru nýttar í dag.

Nú um áramótin tók Sigríður Elín Þórðardóttir við starfi sem forstöðumaður þróunarsviðs. Sigríður Elín er með mastersgráðu í félagsfræði frá Háskóla Íslands. Hún hefur starfað sem sérfræðingur á þróunarsviði Byggðastofnunar um árabil. Í starfi sínu á Byggðastofnun hefur hún unnið að fjölbreyttum verkefnum og stýrt stórum samstarfsverkefnum á verkefnasviði stofnunarinnar, jafnt innlendum sem erlendum.

Atburðir síðustu daga, þegar stórir hlutar landsins voru án rafmagns og fjarskipta, sýna að miklir veikleikar eru í mikilvægum öryggisinnviðum landsins og að stór hluti íbúa landsbyggðanna býr við mikið óöryggi hvað varðar flutning raforku og fjarskipti. Það er með öllu óásættanlegt og ógnar búsetuskilyrðum víða um land. Þetta er á meðal þess sem fram kemur í ályktun fundar stjórnar Byggðastofnunar þann 17. desember.

Á stjórnarfundi Norðurslóðaáætlunarinnar sem haldinn var í Kaupmannahöfn í byrjun desember var samþykkt að styrkja átta ný samstarfsverkefni. Íslenskir aðilar taka þátt í fjórum nýjum verkefnum en auk þess eru íslenskir samstarfsaðilar í þremur verkefnum til viðbótar. Heildarstyrkur til verkefna sem íslenskir aðilar taka þátt nemur tæpum 202 milljónum króna. Íslenskir aðila fá rúmar 38 milljónir króna í styrk en mótframlag íslenskra þátttakenda er rúmar 27 milljónir króna.

Eftir vaxtalækkanir Seðlabanka Íslands síðustu misseri ákvað stjórn Byggðstofnunar að lækka vaxtaprósentu verðtryggðra lána stofnunarinnar.

Heildaratvinnutekjur á árinu 2018 námu 1.316 milljörðum kr. sem var aukning um tæplega 64 milljarða kr. frá árinu 2017 eða sem nemur 4,9%. Frá 2008 hafa atvinnutekjur á landinu öllu aukist um 256 milljarða kr. eða um 24%. Mest aukning á tímabilinu 2008-2018 var í greinum tengdum ferðaþjónustu. Það er í flutningum og geymslum um 49 milljarða kr. (84%), gistingu og veitingum um 38,5 milljarða kr. (151%) og í leigu og sérhæfðri þjónustu um 33 milljarða kr. (130%). Samdráttur varð í tveimur greinum, fjármála- og vátryggingastarfsemi þar sem atvinnutekjur á tímabilinu 2008-2018 lækkuðu um 26 milljarða kr. (-29%) og í fiskveiðum um 6,6 milljarða kr. (-13%).

Eyrarrósin er viðurkenning veitt framúrskarandi menningarverkefnum sem þegar hafa fest sig í sessi utan höfuðborgarsvæðisins. Umsóknarfrestur er til miðnættis þriðjudaginn 7. janúar 2020.

Skýrslan Hagvöxtur landshluta 2012-2017 er komin út. Skýrslan er unnin af Dr. Sigurði Jóhannessyni hjá Hagfræðistofnun Háskóla Íslands í samvinnu við þróunarsvið Byggðastofnunar.