Fréttir

Eins og öllum er kunnugt ríkir nú heimsfaraldur COVID19 í heiminum öllum. Þjóðir hafa reynt að stemma stigu við áhrifum hans með ýmsum hætti og er nú í gildi á Íslandi samkomubann.

Af hverju gengur sumum sveitarfélögum betur að nýta auðlindir sínar, laða til sín fólk og skapa ný störf? Þetta var lykilspurningin sem fjallað var um í greiningu Nordregio á aðdráttarafli fjórtán sveitarfélaga á Norðurlöndum.

Á haustdögum 2019 hóf Byggðstofnun vinnu að verkefni af byggðaáætlun sem nefnist „skilgreining opinberrar þjónustu og jöfnun aðgengis“ (A-18). Markmið þess er að „íbúar landsins, óháð búsetu, hafi jafnt aðgengi að opinberri grunnþjónustu með bættum aðstæðum og tæknilausnum.“ Skilgreina á rétt fólks til opinberrar grunnþjónustu, svo sem heilbrigðisþjónustu, löggæslu, menntunar, samgangna og fjarskipta.

Í byrjun febrúar var auglýst eftir tveimur einstaklingum með brennandi áhuga á byggðamálum til að takast á við krefjandi og áhugaverð verkefni á þróunarsviði Byggðastofnunar. Umsóknarfrestur rann út þann 2. mars síðast liðinn. Umsækjendur eru 35 talsins. Mjög ánægjulegt er hversu margir hafa áhuga á byggðamálum og að starfa hjá Byggðastofnun. Nú stendur yfir mat umsókna áður en viðtöl hefjast. Haft verður samband við alla umsækjendur.

Könnunin Byggðafesta og búferlaflutningar: Íslensk sveitasamfélög á Íslandi er hluti rannsóknarverkefnis á vegum Byggðastofnunar í samstarfi við rannsóknafólk við innlenda og erlenda háskóla. Könnunin er annar hluti verkefnisins en á síðasta ári var gerð sambærileg könnun í bæjum og þorpum utan suðvestursvæðis landsins. Könnuninni er ætlað að safna margvíslegum upplýsingum sem aukið geta skilning á málefnum sveitasamfélaga og stutt við stefnumótun og aðgerðir í byggðamálum.

Landstólpinn samfélagsviðurkenning Byggðastofnunar er viðurkenning sem Byggðastofnun veitir árlega á ársfundi sínum. Viðurkenningin er hvatning, því hugmyndin að baki er að efla skapandi hugsun og bjartsýni.

Eyrarrósin, viðurkenning fyrir framúrskarandi menningarverkefni utan höfuðborgarsvæðisins, var veitt í sextánda sinn í dag, við hátíðlega athöfn á Bessastöðum. Frú Eliza Reid, forsetafrú og verndari Eyrarrósarinnar afhenti verðlaunin og var það Skjaldborg – Hátíð íslenskra heimildarmynda á Patreksfirði sem hlaut viðurkenninguna að þessu sinni.

Mánudaginn 24. febrúar var haldinn síðasti formlegi fundur með þátttöku Byggðastofnunar í verkefnisstjórn Brothættra í verkefninu Hrísey, perla Eyjafjarðar. Í beinu framhaldi var haldinn íbúafundur. Stofnunin dregur sig þar með í hlé frá verkefninu.

Helgina 15. - 16. febrúar fór fram í Háskóla Íslands hakkaþon háskólanema þar sem Byggðastofnun lagði fram áskorun úr stefnumótandi byggðaáætlun. Áskorunin byggði á lið B.7. Störf án staðsetningar og var meginmarkmið áskorunarinnar að komast að því hvernig væri hægt að búa svo um að það yrði ákjósanlegt fyrir ungt og menntað fólk að búa og starfa á landsbyggðinni.

Reboot Hack er nýsköpunarkeppni þar sem tilgangurinn er að finna lausnir á raunverulegum áskorunum innan samstarfsfyrirtækja, með þverfaglegri samvinnu ásamt því að tengja fyrirtæki við framúrskarandi háskólanema á ýmsum sviðum. Hægt er að hugsa um hakkaþon sem uppfinningamaraþon eða nýsköpunarkeppni þar sem þátttakendur með fjölbreyttan bakgrunn keppa saman í hópum og vinna í 24 tíma að lausn við áskorunum frá samstarfsaðilum, þ.á.m. Byggðastofnun.