Fréttir

Guðmundur hefur alla tíð sinnt hér mjög fjölbreyttum verkefnum stórum og smáum og oft má sjá nafn hans þegar gluggað er í gömul gögn og skýrslur. Öllum sínum verkefnum hefur hann sinnt vel og samviskusamlega og þannig að engar áhyggjur hefur nokkurn tíma þurft að hafa af því. Óhjákvæmilega verður heilmikill spekileki af brotthvarfi hans, en við náum vonandi að vinna það upp með tíð og tíma.

Guðmundur hefur einstaklega ljúfa og góða nærveru og hefur alltaf reynst vinnufélögum sínum afskaplega bóngóður og fjölfróður, ófeiminn að benda á það sem betur má fara og kann þá list að gagnrýna á þann veg að eftir því er farið og líka að hrósa vinnufélögum sínum þegar tilefni er til.

Við færum honum okkar bestu þakkir fyrir samstarfið.