Fréttir

Nýverið lauk Atli Steinn Sveinbjörnsson meistaranámi í skipulagsfræði við Landbúnaðarháskóla Íslands. Lokaverkefni hans, Skipulagsáætlun fyrir lýðheilsuvæna miðbæi. Möguleikar í mótun miðbæjarsvæðis á Húsavík, hlaut fyrr á þessu ári styrk úr Byggðarannsóknasjóði.

Samgöngu- og sveitarstjórnarráðherra hefur úthlutað styrkjum að upphæð 76,5 milljónum króna til níu verkefna á vegum fimm landshlutasamtaka sveitarfélaga. Styrkjunum er ætlað að efla byggðir landsins og er úthlutað til sértækra verkefna á sóknaráætlunarsvæðum í samræmi við stefnumótandi byggðaáætlun fyrir árin 2018-2024 (aðgerð C.1). Alls bárust 28 umsóknir um styrki að fjárhæð rúmar 777 m.kr. fyrir árin 2020-2023.

Árið 2019 veitti Byggðarannsóknasjóður styrk til rannsóknar á torfbyggingum og viðhorfum til þeirra á vegum Háskólans á Hólum. Nú eru komnar út þrjár skýrslur um rannsóknina.

Út er komin greinargerð sóknaráætlana landshluta fyrir tímabilið 2015-2019. Í henni kemur m.a. fram að rúmum 5 milljörðum króna var varið til sóknaráætlana landshluta á tímabilinu.

Byggðastofnun er þátttakandi í verkefninu Women making waves eða Konur gára vatnið – eflum leiðtogahæfni kvenna. Verkefnið er styrkt af menntaáætlun Evrópusambandsins og hófst í október 2019. Út er komin skýrsla þar sem gerð er grein fyrir hæfnisramma sem nýttur verður í verkefninu og er afurð fyrsta hluta þess. Í skýrslunni má heyra raddir kvenna sem búa við tvíþætta mismunun og fræðast um hvaða hæfni þær telja sig þurfa að búa yfir til að standa betur að vígi á vinnumarkaði. Samstarfsaðilar Byggðastofnunar í verkefninu eru frá Englandi, Grikklandi og Spáni, auk Jafnréttisstofu sem jafnframt er í forsvari fyrir verkefnið.

Fyrir liggja nú tölur um fjölda stöðugilda ríkisins við áramót 2019/2020. Stöðugildin voru 24.980 þann 31. desember 2019, þar af voru 15.716 skipuð af konum og 9.263 af körlum. Á árinu 2019 fjölgaði stöðugildum um 199 á landsvísu eða 0,8%.

Heimsfaraldurinn Covid 19 hefur margvísleg áhrif á starfsemi Byggðastofnunar eins og annarra fyrirtækja og stofnana. Hluti starfsmanna vinnur heima auk þess sem skrifstofunni hefur verið skipt í tvö hólf og lokað á milli. Þá hefur afgreiðslu stofnunarinnar verið lokað tímabundið.

Aflamark Byggðastofnunar – boð um samstarf. Á grundvelli reglugerðar nr. 643/2016 auglýsir Byggðastofnun eftir samstarfsaðilum um nýtingu aflaheimilda á Bakkafirði í Langanesbyggð – allt að 68.499 þorskígildiskíló Fiskveiðiárið 2020/2021.

Samgöngu- og sveitarstjórnarráðherra hefur opnað fyrir umsóknir um framlög sem veitt eru til verslana í strjálbýli, sbr. aðgerð A.9 í stefnumótandi byggðaáætlun fyrir árin 2018-2024.

Í morgun birti Hagstofa Íslands nýja flokkun hagskýrslusvæða. Skilgreind hafa verið 206 smásvæði með íbúafjölda á milli 900 og 3.500 manns. Svæðaskiptingin er gerð vegna manntalsins 2021, en með henni uppfyllir Hagstofan skilyrði manntalsins um að birta hagskýrslur eftir litlum svæðum. Smásvæðaskiptingin var unnin í samvinnu við Byggðastofnun og studd fjárhagslega af Evrópusambandinu. Höfundar greinargerðarinnar þar sem flokkun hagskýrslusvæðanna útskýrð eru Ómar Harðarson hjá Hagstofu Íslands og Einar Örn Hreinsson fyrrverandi starfsmaður Byggðastofnunar.