Fréttir

Kynning á fjármögnunarstarfsemi fyrirtækjasviðs

Í síðustu viku mættu glaðbeittir Hólanemendur, sem stunda nám í ferðamáladeild í Háskólanum á Hólum, í heimsókn í Byggðastofnun ásamt kennara. Tilgangur heimsóknarinnar var að fræðast um starfsemi Byggðastofnunar og málefni tengd byggðaþróun. Helga Harðardóttir og Kristján Þ. Halldórsson sérfræðingar á þróunarsviði kynntu starfsemi Byggðastofnunar og byggðaþróunarverkefnið Brothættar byggðir. Guðbjörg Óskarsdóttir sérfræðingur á fyrirtækjasviði kynnti fjármögnunarstarfsemi fyrirtækjasviðs og fjölbreytta lánamöguleika Byggðastofnunar til verkefna/fyrirtækja á landsbyggðinni. Það var einkar ánægjulegt að fá Hólanemendur í heimsókn en undanfarin ár hefur kynning sem þessi verið hluti af námi nemenda í áfanga um byggðaþróun.