Fréttir

Birt hafa verið í Samráðsgátt stjórnvalda drög að nýrri skilgreiningu á grunnþjónustu hins opinbera, rétti fólks til opinberrar grunnþjónustu og skilgreiningu á aðgengi fólks. Drög að þessari skilgreiningu eru unnin af Byggðastofnun og byggja á aðgerð A.18 í stefnumótandi byggðaáætlun.

Miðvikudaginn 11. ágúst sl. var haldinn íbúafundur í verkefninu Áfram Árneshreppur sem er hluti af verkefninu Brothættum byggðum.

Samgöngu- og sveitarstjórnarráðherra hefur opnað fyrir umsóknir um framlög til verkefna á sviði almenningssamgangna, sem veitt eru á grundvelli stefnumótandi byggðaáætlunar fyrir árin 2018-2024 (aðgerð A.10 - Almenningssamgöngur um land allt).

Skýrsla um byggðafestu og búferlaflutninga íbúa höfuðborgarsvæðisins og stærri bæja á Íslandi hefur nú verið birt. Þar kemur meðal annars fram að yfir 80% íbúa í öllum bæjum í könnuninni eru frekar eða mjög ánægðir með búsetuna í sínu bæjarfélag og að um 70% svarenda telja ólíklegt að þau muni flytja úr sínu bæjarfélagi í framtíðinni.

Nú er aftur komið að svokölluðum „webinar“ kynningarfundum á vegum NORA, hugsað fyrir mögulega umsækjendur um styrki. Á fundunum er veitt fræðsla um NORA-styrkina og hins vegar er kynning á því hvernig standa á að umsóknargerðinni.

Laus er staða ráðgjafa við aðalskrifstofu NORA (Norræna Atlantssamstarfsins) sem stað sett er í Þórshöfn í Færeyjum.

Fimmtudaginn 24. júní hittust fulltrúar í stjórn í verkefnisins Glæðum Grímsey á fundi í eyjunni þar sem farið var yfir það helsta í verkefninu og íbúafundur kvöldsins undirbúinn.

Þann 22. júní sl. kom verkefnisstjórn Sterkra Stranda saman á Hólmavík til fundar um verkefnið Sterkar Strandir. Blíðskaparveður beið fundargesta sem hófu fundinn á að sækja nokkra styrkhafa heim og fá kynningu á styrktum verkefnum.

Skýrsla um byggðafestu og búferlaflutninga íbúa sveita og annars strjálbýlis á Íslandi hefur nú verið birt. Þar kemur meðal annars fram að um 80% íbúa dreifbýlis landsins eru ánægð með búsetu sína. Karlar eru ekki jafn ánægðir og konur og íbúar yfir 60 ára eru ekki jafn ánægðir og þeir sem yngri eru. Um 62% telja ólíklegt að þau muni flytja úr sveitinni í framtíðinni.

Stjórnsýsla póstmála hefur nú flust til Byggðastofnunar, skv. lögum um póstþjónustu. Byggðastofnun leitar að tveimur sérfræðingum með góða samskipta- og skipulagshæfileika sem eru tilbúnir að takast á við krefjandi og áhugaverð verkefni á nýju verkefnasviði stofnunarinnar, auk þess að vinna að þeim fjölbreyttu þáttum byggðamála sem sinnt er af stofnuninni. Æskilegt er að umsækjendur geti hafið störf sem fyrst. Starfshlutfall beggja starfa er 100%. Launakjör eru samkvæmt kjarasamningi Samtaka starfsmanna fjármálafyrirtækja.