Fréttir

Byggðastofnun vinnur nú að verkefni sem tilgreint er í byggðaáætlun 2006-2009 og nefnist ,,Athugun á stöðu byggðarlaga sem búa við viðvarandi fólksfækkun".

Vægi fiskveiða og –vinnslu er misjafnt eftir sveitarfélögum á landinu.  Í  sumum sveitarfélögum er vægið mjög mikið en getur líka verið misjafnt eftir byggðarlögum í sama sveitarfélagi.  

Vegagerðin og Roadex efna til ráðstefnu um umferðalitla vegi á norðurslóðum á Grand Hótel við Sigtún í Reykjavík.

Norðurslóðaáætlun 2007-2013 NPP) er nú komin í endanlegan búning.  Á slóð áætlunarinnar er að finna upplýsingar um áherslur, þátttökulönd og starfssvæði, almenna  kynningu á áætluninni ásamt ítarlegri framkvæmdaáætlun,  yfirlit eldri verkefna ásamt úttekt á þátttöku Íslands í eldri áætlun.   

Sveitarfélögin Luleå í Svíþjóð, Bodö í Noregi og Samband sveitarfélaga í Færeyjum leita eftir íslensku sveitarfélagi til að taka þátt í þróunarverkefni sem ber heitið "Our life as elderly" - nýjar hugmyndir um skipulag þjónustu fyrir eldri borgara.

Byggðastofnun hefur í samstarfi við Hagfræðistofnun Háskóla Íslands unnið tölur um hagvöxt í einstökum landshlutum. Í byggðarlegu tilliti er mikilvægt að áreiðanlegar upplýsingar séu til um hagþróun á einstökum svæðum á Íslandi, m.a. til að samanburður við aðrar þjóðir verði auðveldari.

Árshlutareikningur Byggðastofnunar fyrir janúar til júní 2007 var staðfestur af stjórn stofnunarinnar 17. ágúst 2007.Hagnaður tímabilsins nam 4.018 þús. kr.

NORA auglýsir eftir umsóknum um styrki til samstarfsverkefna á milli Íslands og hinna NORA-landanna, þ.e. Grænlands, Færeyja og Noregs. Umsóknarfrestur er 5. október nk.

  Hér á síðunni má nú finna gagnagrunn og kerfi fyrir myndræna framsetningu  á íbúaþróun einstakra landsvæða og skráðra sveitarfélaga  1. des. 2006. Með því að smella á  hnappinn „Íbúaþróun" á heimasíðunni má finna leiðbeiningar um notkun á gagnagrunnskerfinu.

Á ársfundi Norrænu Atlantsnefndarinnar, NORA, á Lofoten dagana 4.-6. júní sl. voru veittir verkefnastyrkir að upphæð um 35 milljónir íslenskra króna og er það fyrrri styrkjaúthlutun árið 2007. Íslendingar eru þátttakendur í 17 verkefnum af 23 sem hljóta styrk. Síðari umsóknarfrestur þessa árs verður auglýstur með haustinu.