Fréttir

Nú á haustdögum munu starfsmenn Byggðastofnunar heimsækja atvinnuþróunarfélögin til samráðsfunda eins og gert er ráð fyrir í samningum stofnunarinnar og félaganna. Til fundanna eru boðaðar stjórnir og starfsmenn hvers félags.

Tilgangur fundanna er að ræða og meta í sameiningu starfsemi, starfsáætlanir og verkefni félaganna með hliðsjón af ástandi og þróun, almennt og á starfssvæði hvers þeirra.

Samráðsfundir hafa þegar verið haldnir í Borgarnesi, Keflavík, Ísafirði, Selfossi og Blönduósi. Fundirnir hafa tekist vel og verið vel sóttir. Fram hefur komið að félögin hafa verið að vinna mikilvæg verkefni á starfssvæðum sínum, bæði tengdum vaxtarsamningum og klösum en líka sinnt málefnum einstakra fyrirtækja og erlendum samstarfsverkefnum. Um miðjan október eru fyrirhugaðir fundir á Akureyri, Egilsstöðum og Húsavík.