Fréttir

Skv. lögum (nr. 69/2015) skal ráðherra leggja fram á a.m.k þriggja ára fresti fyrir Alþingi stefnumótandi byggðaáætlun til 15 ára og aðgerðaáætlun til 5 ára. Gildandi byggðaáætlun var samþykkt samhljóða í júní 2018 þannig að á næsta vori verða liðin þrjú ár frá samþykkt hennar. Við gerð áætlunarinnar var haft samráð við fjölda haghafa og var m.a efnt tl opinna funda í öllum landshlutum ásamt því að allan vinnslutíma áætlunarinnar var opin samráðsgátt á vef Byggðastofnunar. Nú við upphaf endurskoðunar byggðaáætlunar hefur ráðherra ákveðið að efna til opins samráðs um mótun, form, inntak og framkvæmd hennar.

Hér er hægt að taka þátt í samráðinu.

Til að auðvelda umfjöllun er gildandi byggðaáætlun hér og hér er skýrsla ráðherra um framvindu hennar.  Hér er yfirlit yfir stöðu einstakra aðgerða byggðaáætlunar.