Fréttir af NPA

Opnað hefur verið fyrir umsóknir um undirbúningsverkefni í Norðurslóðaáætluninni og er umsóknarfrestur til 8. mars nk. Verkefnin eru til að þróa verkefnahugmyndir, gera þarfagreiningar og byggja upp alþjóðlegt teymi verkefnisaðila og ætluð bæði reyndum og óreyndum aðilum á þessum vettvangi. Frekari upplýsingar eru á heimasíðu áætlunarinnar og hjá landstengilið hennar Reinhard Reynissyni á reinhard@byggdastofnn.is

Stjórn Norðurslóðaáætlunarinnar hefur samþykkt fyrstu úthlutun vegna aðalverkefna á áætlunartímabilinu 2021-2027. Samþykkt var að taka þátt í átta verkefnum af nítján sem bárust og í heildina var ráðstafað rúmlega 7 milljónum evra til verkefnanna eða um 16% af ráðstöfunarfé áætlunarinnar. Af þeim átta verkefnum sem hlutu brautargengi eru sex með íslenskum þátttakendum sem hljóta samtals um 714 þús. evra í styrk eða rétt um 100 mkr. sem nemur 27% af þeim fjármunum sem eru til ráðstöfunar til verkefna af framlagi Íslands til áætlunarinnar.

Streymt verður frá ársfundi Norðurslóðaáætlunarinnar - NPA sem fram fer í Bodø í Noregi á morgun, miðvikudaginn 9. nóvember.

Opið er fyrir umsóknir í öðru kalli Norðurslóðaáætlunarinnar frá 5. október – 5. desember 2022 á öllum þremur forgangssviðum áætlunarinnar. Sérstök athygli er vakin á forgangssviði 3 sem er að Styrkja stofnanagetu samfélaga á starfssvæði áætlunarinnar til að nýta sér samstarfsverkefni.

Þema ársfundarins að þessu sinni er Ungt fólk á Norðurslóðum – þáttur ungs fólks í að gera afskekkt samfélög aðlaðandi. Fundurinn fer að þessi sinni fram í Bodø í Noregi miðvikudaginn 9. nóvember.

Opnað hefur verið fyrir forumsóknir hjá Norðurslóðaáætluninni og er umsóknarfrestur til 19. september. Forverkefni eru góður vettvangur til að stíga fyrstu skrefin í að nýta áætlunina og ætlað það hlutverk að skilgreina viðfangsefni aðalverkefna, meta þörfina fyrir afurðir verkefna meðal endanlegra notenda og mynda fjölþjóðleg teymi um viðkomandi verkefni.

Alls bárust nítján verkefnaumsóknir í fyrsta kalli Norðurslóðaáætlunarinnar 2021-2027 en umsóknarfrestur rann út 20. júní sl.

Norðurslóðaáætlunin 2021-2027 mun opna fyrir umsóknir um undirbúnings- eða forverkefni þann 2. ágúst og verður opið fyrir umsóknir til 19. september. Umsóknir verða svo afgreiddar 23. nóvember. Eins og nafnið bendir til er verkefnunum ætlað að vera til undirbúnings aðalverkefna, þ.e. til að þróa verkefnahugmyndir, leita hugsanlegra samstarfsaðila og skoða fjármögnunarmöguleika aðalverkefna.

Fyrsta kalli Norðurslóðaáætlunarinnar 2021-2027 lýkur þann 20. júní kl. 10:00 að íslenskum tíma (12:00 CET). Opið er fyrir verkefni sem snúa að forgangssviðum 1 - að styrkja nýsköpunarhæfni þrautseigra og aðlaðandi samfélaga á starfssvæði áætlunarinnar og 2 - að styrkja getu samfélaga á starfssvæði áætlunarinnar til að laga sig að loftslagsbreytingum og bættri auðlindanýtingu.

Ákveðið hefur verið að fresta opnun á fyrsta kalli Norðurslóðaáætlunarinnar 2021-2027 sem vera átti 17. mars til 29. apríl en það verður opið til 20 júní og umsóknir afgreiddar 29. september eins og áður hafði verið ákveðið. Jafnframt frestast umsóknarnámskeið sem vera átti á netinu þann 17. mars til 29. apríl. Sjá nánar á heimsíðu áætlunarinnar.