Fréttir

Norðurslóðaáætlun - 6 ný forverkefni valin

Heilbrigðis- og velferðarklasi Norðurlands er þátttakandi í verkefninu SelfCare – Self-management of health and wellbeing in rural areas semhefur verið valið sem eitt af sex forverkefnum í öðru kalli Norðurslóðaáætlunarinnar.

Markmið SelfCare verkefnisins er að bæta aðgengi ýmissa jaðarhópa í dreifbýli að heilbrigðisþjónustu og sjálfshjálp. Vegna mismunandi menningarbakgrunns og þekkingar er oft erfitt fyrir ýmsa hópa að nýta sér slíka þjónustu til fulls. Nálgunin á viðfangsefnið er opin og byggir á því að kortleggja stöðuna, þ.m.t. nýtingu fjarheilbrigðislausna og við hvaða hindranir er að glíma. Lögð er áhersla á að tryggja aðkomu sem flestra þjónustuaðila og notenda þjónustunnar til að miðla þekkingu milli aðila.

Verkefnið er leitt af Region Västerbotten, Centre for Rural Medicine í Svíþjóð og aðrir þátttakendur auk Heilbrigðis- og velferðarklasa Norðurlands, University of Limerick á Írlandi og Department of Occupational Medicine and Public Health í Færeyjum.  

Tilgangur forverkefna, sem eru ýmist til sex eða tólf mánaða, er ekki síst að styðja þróun verkefnahugmynda, gera þarfagreiningar hjá mögulegum notendum afurða verkefna og mynda alþjóðleg teymi um þróun og framkvæmd verkefna. Þannig eru forverkefni gjarnan undirbúningur að umsókn um aðalverkefni.

Um 245 þús EUR er ráðstafað til þessara verkefna í heild og þar af fékk hið íslenska verkefni 13.700 EUR af framlagi Íslands til eina íslenska þátttakandans að þessu sinni. Með þessari úthlutun hefur um 28% af heildarráðstöfunarfé áætlunarinnar til verkefna verið nýtt en rúm 53% af framlagi Íslands.

Í frétt á heimasíðu áætlunarinnar má finna upplýsingar um öll sex verkefnin sem samþykkt voru.