Fréttir

Ráðgjafarsamningur um nýtt skrifstofuhúsnæði fyrir Byggðastofnun á Sauðárkróki, Sauðármýri 2, var undirritaður miðvikudaginn 9. ágúst sl. Áætlunargerð er í fullum gangi með Arkitektastofunni Úti og inni, ásamt VSB verkfræðistofu ehf. og reiknað er með að henni ljúki síðla árs 2017. Áætlað er að byggingin verði tilbúin árið 2019 og að stærð hennar verði um 900 fermetrar.

Markmið örverkefna er að styðja við framtak ungs fólks, kvenna og frumbyggja sem stuðla að farsælli þróun og fjölbreyttu mannlífi á norðurslóðum. Markmið klasaverkefna er að stuðla að auknu flæði þekkingar og betri nýtingu fjármagns og framvindu ESB áætlana sem leggja áherslu á forgangsverkefni sem tengjast norðurslóðum, byggðamálum og hafsvæðum.

Íslenska lánshæfismatsfyrirtækið Reitun ehf. hefur gefið út lánshæfismat á Byggðastofnun í annað skiptið. Einkunnin er i.AAA með stöðugum horfum en i.AAA er besta einkunn sem Reitun gefur og er óbreytt frá síðasta mati. Einkunnargjöf Reitunar miðar við innlendar einkunnir í stað alþjólegra einkunna og er því i. bætt fyrir framan bókstafina. Ríkissjóður fær viðmiðunareinkunnina i.AAA sem er besta mögulega einkunn sem Reitun gefur. Aðrir útgefendur eru metnir út frá þeirri einkunn. Reitun flokkar einkunnir frá i.AAA til i.BBB3 sem fjárfestingahæfar eignir.

Samantekt um skilaboð íbúaþings í Árneshreppi, sem haldið var í júní, liggur nú fyrir. Íbúaþingið var haldið af Árneshreppi, Fjórðungssambandi Vestfirðinga og Byggðastofnun vegna alvarlegrar stöðu byggðarinnar.

Málþing um innanlandsflug sem almenningssamgöngur verður haldið á Hótel Natura 4.október nk. kl.13:00-15:30. Fyrirlesarar koma meðal annars frá Highlands and Islands Enterprise í Skotlandi. Nánari dagskrá verður birt með haustinu.

Norðurslóðaáætlunin (NPA) er samstarfsverkefni Finnlands, Svíþjóðar, Skotlands, Írlands, Norður-Írlands, Íslands, Grænlands, Færeyja og Noregs. Markmið NPA er að aðstoða íbúa á norðurslóðum við að skapa þróttmikil og samkeppnishæf samfélög með sjálfbærni að leiðarljósi.

Nordregio auglýsir laus til umsóknar 3 störf hjá stofnuninni við rannsóknir á dreifbýlisþróun, nýsköpun innan svæða og grænan hagvöxt og þéttbýlis skipulag og þróun. Umsóknarfrestur er til 31. júlí nk.

Pétur Friðjónsson hefur verið ráðinn til tímabundinna starfa á fyrirtækjasviði Byggðastofnunar. Pétur er með BS gráðu í Viðskiptafræði frá Háskólanum á Akureyri og starfaði sem útibússtjóri Sparisjóðs Skagafjarðar frá 2011 og allt til loka hans 2015. Þá hefur Pétur starfað sjálfstætt í nýsköpunarverkefnum auk þess að hafa sinnt ýmsum störfum fyrir Kaupfélag Skagfirðinga á árum áður svo fátt eitt sé nefnt.

Ef ekki verður gripið til róttækra aðgerða, er hætta á því að heilsársbyggð í Árneshreppi á Ströndum leggist af. Þetta eru skilaboð tveggja daga íbúaþings sem Árneshreppur, Fjórðungssamband Vestfirðinga og Byggðastofnun stóðu fyrir í félagsheimilinu í Árnesi, 12. – 13. júní.

Norðurslóðaáætlunin óskar eftir að ráða til starfa framkvæmdastjóra á aðalskrifstofuna í Kaupmannahöfn. Nánari upplýsingar um helstu verkefni og hæfniskröfur er að finna hér