Fréttir

Aðalsteinn Þorsteinsson hefur nú frá 1. febrúar 2022 að beiðni ráðherra tekið við starfi forstjóra Þjóðskrár til næstu 6 mánaða. Arnar Már Elíasson, forstöðumaður fyrirtækjasviðs Byggðastofnunar, hefur verið staðgengill hans frá árinu 2016 og nú verið settur forstjóri Byggðastofnunar til sama tíma.

Þann 1. febrúar nk. verður opnað fyrir styrkumsóknir vegna svæðisbundinnar flutningsjöfnunar. Lögbundinn lokafrestur umsókna vegna flutningskostnaðar árið 2021 er 31. mars 2022. Athugið að ekki er tekið við umsóknum sem berast eftir þann tíma.

Stjórn Byggðastofnunar ákvað á fundi sínum þann 21. janúar s.l. að styrkja fjóra meistaranema sem vinna að lokaverkefnum á sviði byggðamála. Heildarupphæð styrkjanna er ein milljón króna.

Haustið 2020 var gerð íbúakönnun til að kanna hug íbúa til búsetuskilyrða, aðstæður á vinnumarkaði og afstöðu til nokkurra mikilvægra atriða, s.s. hamingju og hvort íbúar séu á förum frá landshlutanum. Vífill Karlsson stýrði framkvæmdinni. Byggðastofnun hefur nú gefið út mælaborð þar sem hægt er að skoða niðurstöður könnunarinnar eftir bakgrunni svarenda og bera saman búsetuþætti á 25 svæðum.

Innviðaráðherra auglýsir eftir umsóknum um framlög sem veitt eru á grundvelli stefnumótandi byggðaáætlunar fyrir árin 2018-2024 vegna verkefna sem tengjast aðgerð C.1 Sértæk verkefni sóknaráætlanasvæða.

Innviðaráðherra auglýsir eftir umsóknum um framlög sem veitt eru á grundvelli stefnumótandi byggðaáætlunar fyrir árin 2018-2024 vegna verkefna sem tengjast aðgerð B.8 Fjarvinnslustöðvar.

Alls bárust 25 umsóknir í brúarkalli Norðurslóðáætlunarinnar (e. NPA) sem lokaði 8. október 2021, þar af níu með íslenskum þátttakendum og þar af einum leiðandi (e. lead partner). Á fundi stjórnar áætlunarinnar (e. monitoring committee) þann 8. des. sl. voru 22 þessara verkefna samþykkt, þar af sjö með íslenskum þátttakendum og m.a. eitt þar sem íslenskur aðili er leiðandi. Kallið er það síðasta sem fjármagnað er af áætluninni 2014-2020 og er ætlað til þess að undirbúa aðalverkefni til þátttöku í áætluninni 2021-2027. Eins og nafnið bendir til er hugsunin sú að undirbúningsverkefnin byggi brú á milli áherslna eldri á ætlunarinnar og þeirra megin viðfangsefna sem skilgreind eru í nýju áætluninni.

Hagfræðistofnun Háskóla Íslands hefur tekið saman skýrslu um hagvöxt landshluta árin 2012-2019. Skýrslan nær til tímabilsins sem einkenndist af uppgangi eftir fjármálahrunið.

Upplýsingar um atvinnutekjur 2012-2020 eftir svæðum og atvinnugreinum hafa nú verið birtar í skýrslu og mælaborði. Heildaratvinnutekjur á árinu 2020 námu 1.332 milljörðum kr. sem var um 56 milljörðum kr. minna en árið 2019 eða sem nemur 4,0%. Árin þar á undan, eða frá 2012 til 2019 höfðu núvirtar atvinnutekjur á landinu öllu aukist um 458 milljarða kr. eða um 49,2%. Hlutfall atvinnutekna kvenna á landinu öllu var 41,1% á árinu 2020 sem er hækkun um 0,8 prósentustig frá 2019 og 2,1 prósentustig frá 2012. Á árinu 2020 drógust heildaratvinnutekjur saman í öllum landshlutum nema á Austurlandi þar sem varð 0,2% aukning. Lang mestur samdráttur í atvinnutekjum milli 2019 og 2020 varð á Suðurnesjum 12,1% en þar næst á Suðurlandi 4,4%.

Skýrslan „Sínum augum lítur hver á silfrið“ eftir Vífil Karlsson og Sigurborgu Kr. Hannesdóttur er nú birt á heimasíðu SSV, en Byggðarannsóknasjóður styrkti þetta verkefni.