Fréttir

Mannfjöldaspá Byggðastofnunar 2021-2070 á sveitarfélagagrunni hefur verið gefin út. Um er að ræða niðurbrot mannfjöldaspár Hagstofu Íslands á sveitarfélög og er þetta í þriðja sinn sem Byggðastofnun gefur út mannfjöldaspá með þessum hætti.

Stöðvarfjörður hefur alla möguleika á að eflast sem ferðamannastaður og menningar- og nýsköpunarbær. Hægt er að styrkja byggðina með því að nýta tækifæri á sem flestum sviðum og byggja á því sem þegar er til staðar. Leggja ætti áherslu á góða aðstöðu til útivistar og fjölskyldusamveru og mikilvægt er að auka framboð á íbúðarhúsnæði. Þetta eru meginskilaboð íbúaþings sem haldið var á Stöðvarfirði, helgina 5. – 6. mars. Með því hófst þátttaka Stöðvarfjarðar í verkefninu „Brothættar byggðir“ og er þetta þrettánda byggðarlagið þar sem unnið er eftir þessu verklagi Byggðastofnunar. Vel var mætt til þings í blíðviðri, en um 60 manns á breiðum aldri tóku þátt.

Uppgjöri verkefnisins Breiðdælingar móta framtíðina er nú lokið. Breiðdalshreppur hóf þátttöku sína í verkefninu Brothættar byggðir árið 2013 og lauk verkefninu formlega í upphafi árs 2019 þegar Byggðastofnun dró sig í hlé. Á fundi verkefnisstjórnar verkefnisins þann 17. desember 2018 var ákveðið að eftirstöðvar styrkja sem veittir voru árlega á verkefnistímanum skyldu renna til Breiðdalsseturs ses. Nú liggur fyrir heildarupphæð styrksins til Breiðdalsseturs nemur kr. 1.630.000.

Um þessar mundir er verið að hefja tvö verkefni í byggðaþróunarverkefninu Brothættar byggðir í samstarfi Byggðastofnunar, landshlutasamtaka og heimaaðila.

Dagana 7. og 8. apríl mun ráðstefnan Maturinn, jörðin og við vera haldin á Hótel Selfossi. Á ráðstefnunni, sem haldin er af félaginu Auður Norðursins í samstarfi við Byggðastofnun og Sambandi sunnlenskra sveitarfélaga, verður fjallað um tækifæri og áskoranir innan innlendrar matvælaframleiðslu.

Eins og undanfarin ár hefur Byggðastofnun fengið Orkustofnun til að reikna út kostnað við raforkunotkun og húshitun viðmiðunareignar á ársgrundvelli. Greiningin nær nú yfir 92 byggðakjarna.

Ákveðið hefur verið að framlengja frest til að skila inn umsóknum um framlög vegna sértækra verkefna sóknaráætlanasvæða C-1 sem renna átti út næsta mánudag. Fresturinn er framlengdur til miðnættis sunnudaginn 6. mars n.k.

Landstólpinn Samfélagsviðurkenning Byggðastofnunar er viðurkenning sem Byggðastofnun veitir árlega á ársfundi sínum. Um er að ræða hvatningarverðlaun til einstaklinga, fyrirtækja, hópa eða verkefna sem vakið hafa athygli á byggðamálum, styrkt samfélög á landsbyggðinni eða stuðlað að framgangi málefna landsbyggðarinnar, ýmist í heild eða innan tiltekins byggðarlags, s.s. innan nýsköpunar, byggðaþróunar, atvinnuþróunar, sjálfbærni eða menningar.

Miðvikudaginn 16. febrúar kl. 12:00 fór fram úthlutun styrkja úr Frumkvæðissjóði Betri Bakkafjarðar fyrir árið 2022. Þá fór einnig fram undirritun samfélagssáttmála milli íbúa við Bakkaflóa, Langanesbyggðar og Byggðastofnunar vegna byggðar við Bakkaflóa.

Umsókn fyrirtækisins um sanngjarnt endurgjald barst til Byggðastofnunar þann 25. janúar 2022 og hefur stofnunin nú tekið ákvörðun um endurgjald til Íslandspósts ohf. (hér eftir ÍSP) vegna alþjónustu sem fyrirtækið veitti á árinu 2021.