Fréttir

Byggðastofnun auglýsir styrki til meistaranema sem vinna að lokaverkefnum á sviði byggðaþróunar. Kostur er ef verkefnin hafa skírskotun til byggðaáætlunar. Til úthlutunar er allt að 1.000.000 kr. og stefnt er að því að veita allt að fjóra styrki.

Vel sóttur íbúafundur var haldinn á Bakkafirði sl. miðvikudag, 8. sept. undir merkjum verkefnisins Betri Bakkafjörður. Blíðskaparveður var þennan dag og haustlitirnir byrjaðir að lita umhverfið. Í upphafi fundar var fundargestum boðið upp á dýrindis súpu á veitingastaðnum að Hafnartanga 4 sem framreidd var af vertunum, þeim Sædísi og Þóri Erni. Eftir að súpunni höfðu verið gerð góð skil gengu fundargestir ásamt verkefnisstjórn að skólahúsnæðinu/ferðaþjónustunni að Skólagötu 5 þar sem fundurinn hófst skv. boðaðri dagskrá.

Byggðastofnun hefur unnið skýrslu fyrir samgöngu- og sveitarstjórnarráðuneytið um vinnu- og skólasóknasvæði og almenningssamgöngur. Um er að ræða bæði almenna greiningu sem og svæðagreiningar þar sem meðal annars eru greindir styrkleikar og veikleikar hvers svæðis ásamt áskorunum með tilliti til almenningssamgangna. Þá eru í skýrslunni sett fram uppfærð kort af vinnu- og skólasóknarsvæðum með hliðsjón af samgöngubótum undanfarinna ára.

Í tengslum við flutning eftirlits með póstmálum til Byggðastofnunar nú í sumar hefur stofnunin nú ráðið tvo öfluga starfsmenn til þess að sinna þeim verkefnum.

Minnt er á umsóknarnámskeið vegna svokallaðra brúarverkefna NPA sem fram fer á netinu fimmtudaginn 9. sept. n.k.

Áhugaverð ferðamálaráðstefna verður haldin á vegum NORA í Þórshöfn í Færeyjum dagana 19.-20. október nk. Yfirskrift ráðstefnunnar er „Regenerative Tourism - Building Healthy Tourism in the Nordics”.

Byggðastofnun leitar að öflugum liðsfélaga með brennandi áhuga á byggðamálum til starfa á þróunarsviði stofnunarinnar. Í starfinu felst umsjón með samningum um atvinnu- og byggðaþróun, framfylgd verkefna samkvæmt byggðaáætlun, gagnaöflun og úrvinnsla. Óskað er eftir áhugasömum og jákvæðum einstaklingi til að vinna að fjölbreyttum og krefjandi verkefnum á sviði byggðamála.

Ársskýrsla byggðaþróunarverkefnisins Brothættar byggðir fyrir starfsárið 2020 hefur verið gefin út. Skýrslan gefur yfirlit yfir framvindu verkefna í þeim sjö byggðarlögum sem voru þátttakendur í verkefninu árið 2020.

Árshlutareikningur Byggðastofnunar fyrir tímabilið janúar-júní 2021, var staðfestur af stjórn stofnunarinnar 25. ágúst 2021. Hagnaður tímabilsins nam 99,4 milljónum króna. Eiginfjárhlutfall í lok júní skv. eiginfjárákvæðum laga nr. 161/2002 um fjármálafyrirtæki var 19,19%.

Markmið með starfi NORA (Norræna Atlantssamstarfsins) er að styrkja samstarf á Norður-Atlantshafssvæðinu. Ein leið að því markmiði er að veita verkefnastyrki tvisvar á ári til samstarfsverkefna á milli Íslands og a.m.k. eins annars NORA-lands, þ.e. Grænlands, Færeyja, strandhéraða Noregs. Nú er komið að síðari úthlutun ársins 2021.