Fréttir

Frá undirritun viljayfirlýsingar

Þann 02.02.2022 undirrituðu Þörungaverksmiðjan hf og Reykhólahreppur stofnsamning vegna Þörungamiðstöðvar Íslands á Reykhólum en Byggðastofnun á tæplega  fjórðungs hlut í Þörungaverksmiðjunni hf.

Í stofnsamningi segir m.a. að tilgangur félagsins sé:

• að stuðla að aukinni þekkingu og byggja upp þekkingarbanka varðandi nýtingu þörunga hér við land, bæði ræktaðra og villtra, s.s. með innihaldsgreiningum, matvælarannsóknum og umhverfisrannsóknum, þ.m.t. vistfræðilegum rannsóknum og umhverfisvöktun, eitt og sér eða í samvinnu við aðra,
• að stunda matvæla- og fóðurrannsóknir, sem og umhverfisrannsóknir með sérstakri áherslu á þörunga og vinna með og veita þjónustu til rannsóknarstofnana og fyrirtækja sem slíkar rannsóknir stunda,
• að vinna að þörungaræktun sem og þróun og framleiðslu afurða úr þörungum og veita þjónustu til stofnana og fyrirtækja sem hafa slíkt með höndum,
• að taka þátt í menntunar- og fræðastarfi á sviði matvælarannsókna og umhverfisrannsókna, með sérstakri áherslu á þörunga,
• að stuðla að auknu verðmæti afurða úr sjávargróðri og öðrum strandnytjum,
• að stuðla að atvinnuuppbyggingu í Reykhólahreppi, og við Breiðafjörð allan, sem og nýsköpun og fjölbreytni varðandi ræktun og nýtingu á þörungum

Í framhaldi af stofnun var undirrituðu Matís, Reykhólahreppur og Þörungaverksmiðjan viljayfirlýsingu um samstarf í rannsóknum á vegum nýstofnaðrar Þörungamiðstöðvar Íslands. Nánar um málið á meðfylgjandi slóð: https://matis.is/frettir/viljayfirlysing-um-samstarf-matis-reykholahrepps-og-thorungaverksmidjunnar/