Fréttir

Árshlutareikningur Byggðastofnunar fyrir tímabilið janúar til júní 2010, var staðfestur af stjórn stofnunarinnar 30. ágúst 2010. Tap tímabilsins nam 992 mkr. Samkvæmt árshlutareikningnum er eigið fé stofnunarinnar 1.138 mkr.

Starfshópur mennta- og menningarmálaráðherra um þekkingarsetur á Íslandi hefur skilað áfangaskýrslu. Skýrslan tekur til 189 setra um land allt og sýnir að þekkingarstarfsemi á landsbyggðinni er margbrotin og einkennist af smáum en fjölbreyttum einingum.

Á ársfundi sínum í byrjun júní samþykkti NORA að styrkja 13 samstarfsverkefni NORA-landanna. Þar af taka Íslendingar þátt í  10 verkefnum.

Í upphafi þessa árs undirritaði iðnaðarráðherra, Katrín Júlíusdóttir, fimm nýja vaxtarsamninga. Fjórir þeirra koma í stað eldri samninga en einn er nýr. Þeir sem koma í stað eldri samninga eru; Vaxtarsamningur Vesturlands, Vaxtarsamningur Vestfjarða, Vaxtarsamningur Austurlands og Vaxtarsamningur Suðurlands. Nýi samningurinn er Vaxtarsamningur Suðurnesja. Samningarnir gilda frá undirritun til ársloka 2013.

Ársfundur Byggðastofnunar var haldinn í Miðgarði í Skagafirði 11. júní sl.  Á fundinum hélt Katrín Júlíusdóttir ávarp auk Önnu Kristínar Gunnarsdóttur stjórnarformanns og Aðalsteins Þorsteinssonar forstjóra Byggðastofnunar

Dagana 18.-19. maí sl. var haldin í Reykjavík ráðstefna á vegum NORA undir yfirskriftinni North Altantic Opportunities. Katrín Júlíusdóttir iðnaðarráðherra setti ráðstefnuna, en Birna Lárusdóttir, forseti bæjarstjórnar Ísafjarðarbæjar var ráðstefnustjóri.

Skýrsla um Hagvöxt landshluta birtist nú fjórða sinn og að þessu sinni er fjallað um árin 2003-2008. Skýrslan er unnin af Dr. Sigurði Jóhannessyni hjá Hagfræðistofnun Háskóla Íslands fyrir Byggðastofnun og í samvinnu við starfsmenn stofnunarinnar. Í skýrslunni eru tölur fyrir árið 2007 reiknaðar eins og áður en tölur fyrir árið 2008 áætlaðar.

Byggðastofnun hefur fengið Fasteignskrá Íslands til að reikna út fasteignamat og fasteignagjöld á sömu fasteigninni vítt um landið. Viðmiðunareignin er einbýlishús sem er 161,1 m2 að grunnfleti og 351m3. Stærð lóðar er 808m2. Gjöldin eru reiknuð út samkvæmt núgildandi fasteignamati sem gildir frá 31. desember 2009.

Dagana 18.-19. maí nk. stendur NORA fyrir ráðstefnu og vinnufundi á Nordica í Reykjavík, undir yfirskriftinni North Atlantic Opportunities. Meginviðfangsefni ráðstefnunnar er fiskeldi og orkumál (endurnýjanlegir orkugjafar).

Skrifstofa ESPON (ESPON CU) í Esch-sur-Alzette í Lúxemborg auglýsir nú 2 lausar stöður í 5 mánuði í starfsþjálfun fyrir háskólanema á lokastigi náms í svæðaþróun og skipulagi, landfræði, svæðahagfræði, Evrópufræðum, stjórnmálafræði eða öðrum greinum sem tengjast byggða- og svæðaþróun. Eftirsóknarvert er að umsækjendur geti hafið störf sem fyrst. Nánari upplýsingar er að finna á heimasíðu ESPON eða hér.