Fréttir

Alls hafa borist 71 umsóknir um aðalverkefni á þeim 6 umsóknarfrestum sem liðnir eru. Samtals hafa borist liðlega 53 umsóknir um forverkefni og þar af verið samþykkt 26 og 3 bíða afgreiðslu. Forverkefni hafa þann megin tilgang að vinna að gerð aðalumsókna, leita samstarfsaðila og frágangi mótfjármögnunar. Ísland er nú þátttakandi í 17 aðalverkefnum innan Norðurslóðaáætlunar 2007-2013 af 31 aðalverkefni eða liðlega helmingi allra aðalverkefna.

Styrkir sem Byggðastofnun veitti í mars sl. til markaðssetningar á handverki og hönnunarvörum eru nú þegar farnir að skila árangri. Markmið með styrkveitingunni var að styðja við undirbúning og framkvæmd markaðsaðgerða erlendis á handverki og hönnunarvörum. Styrkjunum var ætlað að skapa aukin verðmæti og ný markaðstækifæri og eru liður í framkvæmd á aðgerð í Byggðaáætlun um stuðning við atvinnurekstur kvenna.

Í gær, miðvikudaginn 6. október, funduðu  forstjóri Byggðastofnunar ásamt þremur öðrum starfsmönnum stofnunarinnar, með heimamönnum á Borgarfirði eystra um stöðu mála í byggðarlaginu. Tilefni fundarins er að Fiskverkun Kalla Sveins ehf. hefur sagt upp öllu starfsfólki sínu og taka uppsagnirnar gildi um næstu áramót. Eins og fram hefur komið í fréttum hefur fyrirtækið misst saltfiskmarkaði sína.

Í dag eru þau tímamót að 25 ár eru liðin frá fyrsta starfsdegi Byggðastofnunar.  1. október 1985 tók stofnunin til starfa og tók hún þá við öllum eignum og skuldbindingum Byggðasjóðs jafnframt sem felld voru úr gildi kaflar úr lögum um Framkvæmdastofnun ríkisins og tók Byggðastofnun yfir verkefni hennar á sviði byggðamála.

Ákveðið hefur verið að uppfæra skýrslu Byggðastofnunar, Byggðarlög með viðvarandi fólksfækkun, frá árinu 2008. Áfram verða til skoðunar búsetuþættir eins og atvinnulíf, umhverfi, samgöngur, þjónusta, menning, menntun og velferðarmál út frá styrkleikum, veikleikum og tækifærum í hverju samfélagi fyrir sig. Það verður annars vegar gert með því að vinna tölfræðilegar upplýsingar, en einnig með því að heimsækja viðkomandi sveitarfélög.

Áhersla ESB á svæði eða byggðir til þess að ná markmiðum um efnahagsþróun og samkennd hefur vaxið. Í endurskoðuðum stofnsáttmála Evrópu frá 2007 sem tók gildi 2009 (The Treaty on European Union) er mikil áhersla lögð á samstöðu eða samkennd innan svæða (Territorial Cohesion) til þess að ná markmiðinu um félagslega samkennd (Social Cohesion) og á mismun svæða eða sérstöðu, fjallendi, eyjar og strjálbýli. Þessi einkennissvæði eru nefnd sérstaklega í 174. grein sáttmálans.

Næsti umsóknarfrestur um samstarfsstyrki NORA er 4. október nk.   Nú er opið fyrir umsóknir í öllum fjórum málaflokkunum: auðlindir hafsins, ferðaþjónusta, upplýsingatækni og samgöngur og flutningar. Önnur verkefni í nýsköpun og svæðasamstarfi og eru til þess að auka samvinnu á starfssvæði NORA koma einnig til greina.

ESPON auglýsir eftir umsóknum um verkefnastyrki og verkefnatillögum fyrir tvö rannsóknasvið:

Árshlutareikningur Byggðastofnunar fyrir tímabilið janúar til júní 2010, var staðfestur af stjórn stofnunarinnar 30. ágúst 2010. Tap tímabilsins nam 992 mkr. Samkvæmt árshlutareikningnum er eigið fé stofnunarinnar 1.138 mkr.

Starfshópur mennta- og menningarmálaráðherra um þekkingarsetur á Íslandi hefur skilað áfangaskýrslu. Skýrslan tekur til 189 setra um land allt og sýnir að þekkingarstarfsemi á landsbyggðinni er margbrotin og einkennist af smáum en fjölbreyttum einingum.