Fréttir

Byggðastofnun hefur nú í ár líkt og undanfarin ár, fengið Þjóðskrá Íslands til að reikna út fasteignamat og fasteignagjöld á sömu viðmiðunarfasteigninni á 26 þéttbýlisstöðum á landinu. Eru nú til árleg og sambærileg gögn frá árinu 2010 til ársins 2018.

Byggðaráðstefnna 2018 verður haldin 16.-17. október 2018 á Fosshótel Stykkishólmi. Tilgangur ráðstefnunnar er að tengja saman fræðilega og hagnýta þekkingu á byggðaþróun með það að markmiði að stuðla að sjálfbærri þróun byggðar um allt land. Ráðstefnan er vettvangur fólks úr háskólum, stjórnsýslu, sveitastjórnum og annarra sem áhuga hafa á byggðaþróun og umhverfismálum. Leitast verður við að ná fram ólíkum sjónarmiðum þeirra sem vinna að rannsóknum og stefnumótun á vettvangi byggðamála með áherslu á umhverfismál.

Þriðjudaginn 28. ágúst fer fram á Borgarfirði eystri upplýsingafundur þar sem fjallað verður um niðurstöður greiningar á þeim áskorunum sem dreifðari byggðalög standa frammi fyrir. Fundurinn er öllum opinn og gefst íbúum og öðrum hagsmunaaðilum tækifæri til að ræða þessi viðfangsefni og setja fram sín sjónarmið. Fundurinn fer fram í félagsheimilinu Fjarðarborg á Borgarfirði eystri, þriðjudaginn 28. ágúst kl. 12:00 – 16:00.

Lagt hefur verið fram til kynningar og samráðs frumvarp til laga um breytingu á lögum um svæðisbundna flutningsjöfnun, nr. 160/2011.

Ársskýrsla sjóðsins fyrir árið 2017 er komin út. Hún hefur að geyma upplýsingar um starfsemi sjóðsins á árinu, hvaða verkefni hafa verið styrkt og hvaða skýrslur bárust á árinu. Skýrsluna má nálgast hér.

Í anda aukins gagnsæis og opinnar stjórnsýslu hefur Byggðastofnun sett saman og birt yfirlit yfir alla verkefnastyrki sem hafa verið veittir í Brothættum byggðum frá upphafi.

Í sáttmála Framsóknarflokks, Sjálfstæðisflokks og Vinstrihreyfingarinnar – græns framboðs um ríkisstjórnarsamstarf og eflingu Alþingis kemur fram að ríkisstjórnin muni „hefja samstarf við sveitarfélögin um gerð þjónustukorts sem sýnir aðgengi landsmanna að allri almennri þjónustu hins opinbera og einkaaðila til að bæta yfirsýn og þar með skapa grundvöll fyrir aðgerðir til að tryggja íbúum þjónustu og jafna kostnað“. Ábyrgð á framkvæmd þessa verkefnis er hjá samgöngu- og sveitarstjórnarráðherra.

Norðurslóðaáætlunin 2014-2020 auglýsir eftir umsóknum um verkefnastyrki. Umsóknarfrestur er til 30. nóvember 2018

Kallað er eftir erindum á Byggðaráðstefnuna sem haldin verður 16.-17. október 2018 í Stykkishólmi. Umfjöllunarefni ráðstefnunnar er: Byggðaþróun og umhverfismál, hvernig getur blómleg byggð og náttúrvernd farið saman?

Á ársfundi NORA sem haldinn var í Ilulissat, Grænlandi í lok maí s.l. var samþykkt að styrkja sjö samstarfsverkefni. Nemur styrkfjárhæðin alls rúmum 2,5 milljónum danskra króna, eða rúmum 52 mkr. Íslendingar taka þátt í sex af sjö styrktum verkefnunum.