Fréttir

Starfsendurhæfing er mjög mikilvæg þjónusta fyrir fólk sem dettur út af vinnumarkaði vegna heilsubrests og er afgerandi fyrir möguleika þess á að komast aftur í vinnu. Í fámennum byggðarlögum þurfa starfsendurhæfingarstöðvar að geta boðið upp á þjónustu fyrir mjög margleitan hóp og uppfyllt þarfir fólks með ólíkan vanda. Í náttúrutengdri starfsendurhæfingu er lögð áherslu á að nýta stórbrotna náttúru í endurhæfingunni og dregnir fram styrkleikar þess að búa og starfa í dreifbýli og þeir nýttir í endurhæfingunni.

Í nýrri samantekt Fjölmenningarseturs kemur fram að nemendum af erlendu bergi brotnu hefur fjölgað nánast sleitulaust allt frá árinu 2004 á öllum skólastigum. Einnig kemur fram að lágt útskriftarhlutfall þeirra úr framhaldsskólum sé stórt vandamál. Kheirie El Hariri meistaranemi við Háskólann á Akureyri vinnur nú að rannsókn á aðlögun barna flóttafólks að íslenska skólakerfinu þar sem aðstæður eru alla jafna afar ólíkar því sem börn flóttafólks hefur átt að venjast. Því er mikilvægt að huga að leiðum til að auðvelda aðlögun þeirra að skólum.

Á grundvelli reglugerðar nr. 643/2016 auglýsir Byggðastofnun eftir samstarfsaðilum um nýtingu viðbótaraflaheimilda á Tálknafirði, Þingeyri, Flateyri, Suðureyri, Drangsnesi, Hrísey, Raufarhöfn, Bakkafirði og Djúpavogi fiskveiðiárin 2018/2019, 2019/2020, 2020/2021, 2021/2022, 2022/2023 og 2023/2014. Á grundvelli reglugerðar nr. 1064/2015 auglýsir Byggðastofnun eftir samstarfsaðilum um nýtingu viðbótaraflaheimilda í Grímsey fiskveiðiárin 2018/2019, 2019/2020, 2020/2021, 2021/2022, 2022/2023 og 2023/2014.

Byggðastofnun hefur frá árinu 2015 veitt styrki til meistaranema á háskólastigi sem vinna að lokaverkefnum á sviði byggðaþróunar. Styrkirnir koma af fjárveitingu byggðaáætlunar og eru veittir til verkefna sem hafa skírskotun til markmiða eða aðgerða byggðaáætlunar. Tilgangurinn með verkefninu er að auka vitund og áhuga háskólanema á byggðamálum og byggðaþróun og tengsl við byggðaáætlun hverju sinni.

Á fundi stjórnar Byggðastofnunar þann. 16. febrúar sl. var kynnt ný samantekt þróunarsviðs Byggðastofnunar um orkukostnað heimila á ársgrundvelli.

Íbúaþing var haldið á Borgarfirði eystri 10. - 11. febrúar 2018. Þar kom fram að byggðarlagið hefur fjölmarga möguleika til að þar megi efla byggð til framtíðar, byggða á fjölbreyttri atvinnustarfsemi í hefðbundnum atvinnugreinum og nýsköpun út frá styrkleikum byggðarlagsins, meðal annars náttúru, sögu og mannauði.

Byggðastofnun stendur fyrir málþingi um raforkumál á Íslandi fimmtudaginn 8. mars næst komandi í Hofi á Akureyri. Málþingið hefst kl. 13:00 og stendur til kl. 16:30. Boðið verður upp á léttan hádegisverð frá kl. 12:00.

Út er komin skýrslan Atvinnutekjur 2008-2016 eftir atvinnugreinum og svæðum. Í skýrslunni er leitast við að bregða ljósi á þróun atvinnutekna á tilteknum á svæðum frá árinu 2008 og hvaða atvinnugreinar eru stærstar á hverju svæði mælt í atvinnutekjum.

Eyrarrósarlistinn 2018 hefur verið opinberaður og eru það sex verkefni sem eiga möguleika á að hljóta Eyrarrósina í ár.

Markmið með starfi NORA (Norræna Atlantssamstarfið) er að styrkja samstarf á Norður Atlantssvæðinu. Ein leið að því markmiði er að veita verkefnastyrki tvisvar á ári til samstarfsverkefna á milli Íslands og a.m.k. eins annars NORA-lands, þ.e. Grænlands, Færeyja, strandhéraða Noregs. Nú er komið að fyrri úthlutun ársins 2018. Umsóknarfrestur er 5. mars 2018.