Fréttir

Ásmundur Einar Daðason, félagsmálaráðherra, kynnti í dag á fundi á Húsavík hvaða sjö sveitarfélög verða þau fyrstu til að taka þátt í tilraunaverkefni um uppbyggingu íbúðarhúsnæðis á landsbyggðinni.

Sjö milljónum króna úr verkefninu Betri Borgarfjörður var þann 10. desember úthlutað til 15 samfélagseflandi verkefna á Borgarfirði eystra. Þetta er fyrsta úthlutunin en alls bárust 18 umsóknir.

Samgöngu- og sveitarstjórnarráðherra veitti nýverið verkefnastyrki vegna fjarvinnslustöðva, á grundvelli stefnumótandi byggðaáætlunar fyrir árin 2018-2024. Úthlutað var 30 milljónum króna. Alls bárust 16 umsóknir um styrki að fjárhæð rúmar 180 m.kr. en fjögur verkefni hljóta styrk að þessu sinni.

Eyrarrósin er viðurkenning sem er veitt framúrskarandi menningarverkefnum utan höfuðborgarsvæðisins. Til þess að koma til greina þurfa verkefni að hafa fest sig í sessi, vera vel rekin, hafa skýra framtíðarsýn og hafa haft varanlegt gildi fyrir lista- og menningarlíf í sínu byggðarlagi.

Skýrslan Atvinnutekjur 2008-2017 eftir atvinnugreinum og svæðum er komin út. Í skýrslunni er leitast við að greina hvaða atvinnugreinar standa undir atvinnutekjum fólks eftir landssvæðum og hvaða breytingar hafa orðið á tímabilinu frá bankahruni.

Föstudaginn 16. nóvember tók Sigurður Ingi Jóhannsson, samgöngu- og sveitarstjórnarráðherra fyrstu skóflustunguna að nýju skrifstofuhúsnæði fyrir Byggðastofnun að Sauðármýri 2 á Sauðárkróki. Þar með hefjast framkvæmdir við fyrsta áfanga verksins sem er jarðvinna. Ríkiskaup buðu jarðvinnuna út og lægstbjóðandi reyndist vera Vinnuvélar Símonar ehf. Nú á allra næstu vikum verður bygging hússins svo boðin út og standa vonir til að framkvæmdum verði að fullu lokið um mitt ár 2020.

Samgöngu- og sveitarstjórnarráðherra hefur undirritað samninga við sex landshlutasamtök sveitarfélaga um níu verkefnastyrki sem veittir eru á grundvelli stefnumótandi byggðaáætlunar fyrir árin 2018-2024. Að þessu sinni var 120 milljónum króna úthlutað fyrir árið 2018 til sértækra verkefna á sóknaráætlunarsvæðum. Alls bárust 26 umsóknir um styrki að fjárhæð tæpar 441 m.kr.

Dagana 30.-31. október var haldið verkefnastefnumót Norðurslóðaáætlunarinnar á Hótel Selfossi. Meginmarkmið verkefnastefnumótsins er að efla tengslanet, miðla þekkingu og kynna NPA verkefnin sem íslenskir þátttakendur taka þátt í. Einnig fengu þátttakendur leiðsögn um helstu atriði er varðar fjárhagsuppgjör, skýrslugerð og endurskoðun verkefna og upplýsingar um framgang og stöðu Íslands innan áætlunarinnar.

Í gær voru opnuð tilboð í jarðvinnu vegna fyrirhugaðrar nýbyggingar Byggðastofnunar að Sauðármýri 2, Sauðárkróki. Byggingin mun verða 998 m² á tveimur hæðum og með kjallara undir hluta hússins.

Byggðaráðstefnan 2018 var haldin á Fosshótelinu í Stykkishólmi 16. og 17. október sl. undir yfirskriftinni Byggðaþróun og umhverfismál, hvernig getur blómleg byggð og náttúrvernd farið saman?