Fréttir

Á stjórnarfundi NPA sem haldinn var í Sundsvall í Svíþjóð um miðjan mars sl. var samþykkt að styrkja sex samstarfsverkefni. Íslenskir aðilar taka þátt í þremum þeirra, alls nemur styrkfjárhæðin um 2,8 milljónir evra en heildarkostnaður um 4,7 milljónir evra.

Verkefnin með íslenskum þátttakendum eru:

Smart energy management in remote Northern Peripheral and Arctic regions: SMARCTIC er samstarfsverkefni Íslands, Finnlands, Norður-Írlands, Írlands og Svíþjóðar. Íslenski þátttakandinn er Varmalausnir. Verkefnisstjórinn er írskur og starfar hjá European Regions Network for the Application of Communications Technology. Meginmarkmið verkefnisins er að kynna nýjar heildstæðar tæknilausnir við orkustjórnun og aðferðir til að auka orkunýtni. Styrkur til verkefnisins er 879.396 evrur en heildarkostnaður er 1.404.190 evrur.

Innovations for Seaweed Producers in the Northern Periphery Area: SW-GROW er samstarfsverkefni Íslands, Skotlands, Írlands, Svíþjóðar, Færeyja og Grænlands. Íslenski þátttakandinn er Háskóli Íslands. Verkefnisstjórinn er skoskur og starfar hjá Lews Castle College. Meginmarkmið verkefnisins er að efla nýsköpun í vinnslu og ræktun þangs/þara. Styrkur til verkefnisins er 1.143.540 evrur en heildarkostnaður er 1.839.340 evrur.

Hydrogen Utilization & Green Energy: HUGE er samstarfsverkefni Íslands, Skotlands, Írlands, Norður-Írlands, Færeyja og Finnlands. Íslenski þátttakandinn er Íslensk NýOrka. Verkefnisstjórinn er skoskur og starfar hjá North Highland College UHI. Íslenski hluti verkefnisins fjallar m.a. um þróun viðskiptamódels um orkuskipti í samgöngum. Styrkur til verkefnisins er 1.264.049 evrur en heildarkostnaður er 2.015.553 evrur.   

Upplýsingar um öll samstarfsverkefnin sem voru samþykkt er að finna hér

Nánari upplýsingar veitir landstengiliður NorðurslóðaáætlunarinnarSigríður Elín Þórðardóttir á netfangið sigridur@byggdastofnun.is eða í síma 455 5400. Upplýsingar um áætlunina er að finna á www.interreg-npa.eu