Fréttir

Landshlutasamtök sveitarfélaga og atvinnuþróunarfélög í samstarfi við Byggðastofnun könnuðu staðsetningu ríkisstarfa árið 2013. Könnunin er uppfærsla á annarri könnun sem Byggðastofnun gerði 1994 og var þá liður í undirbúningi fyrir stefnumótandi byggðaáætlun 1994-1997. Uppfærsluna og samanburðinn má sjá á bls. 43-47 í Stöðugreiningu 2013, fylgiriti með stefnumótandi byggðaáætlun 2014-2017, sem sækja má á heimasíðu Byggðastofnunar. Þessa uppfærslu jók Byggðastofnun við á árinu 2014 þannig að hún nær til allra stofnana ríkisins og hlutafélaga sem ríkið á að meirihluta og til þéttbýlisstaða á höfuðborgarsvæðinu.

Byggðastofnun hefur fengið Orkustofnun til að reikna út kostnað við raforkunotkun og húshitun á sömu fasteigninni á nokkrum þéttbýlisstöðum og nokkrum stöðum í dreifbýli á ársgrundvelli. Viðmiðunareignin er einbýlishús sem er 140 m2 að grunnfleti og 350m3. Gjöldin eru reiknuð út samkvæmt gjaldskrá þann 1. apríl 2015.

Byggðastofnun býður til sölu 2,77% eignarhlut sinn í Samkaupum, sem er að nafnverði 10.801.323 kr.

Byggðastofnun óskar eftir tilboðum í framkvæmd könnunar á þjónustusókn á Norðurlandi vestra. Kanna á þjónustu­sókn á Norðurlandi vestra og nota þá könnun og þá reynslu sem fæst sem fyrirmynd fyrir verklag við sambærilegar kannanir í öðrum landshlutum.

Stjórn Byggðastofnunar ákvað á fundi sínum þann 18. maí sl. að styrkja þrjú verkefni meistaranema um 250.000 krónur hvert.

Undirritað hefur verið samkomulag milli Byggðastofnunar, Íslensks sjávarfangs ehf. SE ehf, Bergs ehf. og heimaútgerða á Þingeyri um nýtingu á 400 þorskígildistonnum af Aflamarki Byggðastofnunar auk mótframlags samningsaðila. Samningurinn er til þriggja ára með möguleika á framlengingu til eins árs.

Aflamark Byggðastofnunar er eitt af þeim úrræðum sem stjórnvöld hafa gripið til í því augnamiði að styðja byggðir sem eiga í alvarlegum og bráðum vanda vegna samdráttar í sjávarútvegi. Vifill Karlsson hefur tekið saman skýrslu um árangur af verkefninu það sem af er og eru niðurstöður almennt jákvæðar.

Tilkynnt var um nýja stjórn Byggðastofnunar á ársfundi Byggðastofnunar sem haldinn var Vestmannaeyjum föstudaginn 10. apríl sl.. Í ræðu ráðherra þakkaði hann Þóroddi Bjarnasyni fráfarandi formanni stjórnar fyrir störf hans og bauð um leið Herdísi Sæmundardóttur velkomna til starfa.

Á ársfundi Byggðastofnunar í Vestmannaeyjum voru birtar niðurstöður könnunar sem Byggðastofnun hefur gert á staðsetningu ríkisstarfa miðað við áramót 2013/2014. Þau stöðugildi sem greidd voru í gegnum Fjársýsluna og stöðugildi á vegum opinberra hlutafélaga voru samtals 18.718. Ef horft er á fjölda stöðugilda á vegum stofnana og aðila sem njóta framlaga frá ríkinu til starfsemi sinnar þá bætast við 3.865 stöðugildi og þar með eru stöðugildin alls 22.584 um áramótin 2013/2014. Þarna er verið að „víkka út“ skilgreininguna á hvað er talið með sem ríkisstörf.

Vilborg Arnarsdóttir frá Súðavík hlaut Landstólpann, samfélagsviðurkenningu Byggðastofnunar, á ársfundi stofnunarinnar sem haldinn var í Vestmannaeyjum síðastliðinn föstudag. Viðurkenningin var veitt Vilborgu vegna þess mikla starfs sem hún hefur lagt í gerð Raggagarðs, fjölskyldugarðs í Súðavík.