Fréttir

Byggðastofnun hefur birt ákvörðun nr. Á-10/2024 þar sem stofnunin staðfestir breytingar Íslandspósts ohf. á skilmálum afsláttarkjara vegna bréfa 0-2000 gr.

Athygli er vakin á því að opið er fyrir umsóknir hjá Norðurslóðaáætluninni en um er að ræða fimmta kallið á áætlunartímabilinu og það síðasta þar sem opið verður fyrir umsóknir á öllum þremur áherslusviðum áætlunarinnar.

Síðastliðinn vetur var gerð íbúakönnun til að kanna viðhorf íbúa til búsetuskilyrða, aðstæðna á vinnumarkaði og afstöðu til nokkurra mikilvægra atriða, s.s. hamingju og hvort íbúar séu á förum frá landshlutanum. Vífill Karlsson stýrði framkvæmdinni. Byggðastofnun hefur nú gefið niðurstöðuar könnunarinnar út í mælaborði þar sem hægt er að rýna þær nánar, t.d. eftir bakgrunni svarenda og bera saman búsetuþætti á 25 svæðum. Jafnframt er hægt að skoða niðurstöður fyrri kannana.

Úthlutun aflamarks Byggðastofnunar upp á 500 þorskígildistonn á yfirstandandi fiskveiðiári til Hólmavíkur hefur þegar leitt til þess að heimaaðilar hafa komið upp fiskvinnslu á staðnum.

Á árinu 2024 hlutu samtals 66 frumkvæðisverkefni brautargengi úr frumkvæðissjóðum DalaAuðs, Sterks Stöðvarfjarðar, Sterkra Stranda og Betri Bakkafjarðar.

Nú fer fram könnun sem Maskína framkvæmir fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu.

Alls barst 21 umsókn um Aflamark Byggðastofnunar sem auglýst var í maí. Í byggðarlögunum Þingeyri, Suðureyri, Drangsnesi, Hólmavík, Hrísey, Borgarfirði eystra, Breiðdalsvík og Djúpavogi barst ein umsókn á hverjum stað. Tvær umsóknir bárust vegna byggðarlaganna Raufarhafnar og Bakkafjarðar, þrjár vegna Tálknafjarðar og sex vegna Grímseyjar.

Svokölluð framtíðarnefnd hefur nú tekið við keflinu í samráði við sveitarstjórn Árneshrepps eftir að Byggðastofnun hefur dregið sig formlega í hlé úr verkefninu Brothættar byggðir.

Byggðastofnun hefur fjármagnað nýliðun á 30 búum síðastliðin þrjú ár með sérstökum lánaflokki til nýliðunar í landbúnaði, en blómleg byggð um land allt byggir að stóru leyti á öflugum landbúnaði.

Íslenskir þátttakendur eru í sjö verkefnum af þeim níu sem hlutu styrki í fjórða kalli Norðurslóðaáætlunarinnar, þar af eitt verkefni sem leitt er af íslenskum aðila.