Fréttir

Könnunin Byggðafesta og búferlaflutningar: Íslensk sveitasamfélög á Íslandi er hluti rannsóknarverkefnis á vegum Byggðastofnunar í samstarfi við rannsóknafólk við innlenda og erlenda háskóla. Könnunin er annar hluti verkefnisins en á síðasta ári var gerð sambærileg könnun í bæjum og þorpum utan suðvestursvæðis landsins. Könnuninni er ætlað að safna margvíslegum upplýsingum sem aukið geta skilning á málefnum sveitasamfélaga og stutt við stefnumótun og aðgerðir í byggðamálum. Síðar á árinu verða gerðar sambærilegar kannanir sem ná til stærstu landsbyggðarkjarnanna og höfuðborgarsvæðisins. Niðurstöður verða birtar á innlendum og erlendum vettvangi síðar á árinu. Þóroddur Bjarnason prófessor við Háskólann á Akureyri stýrir rannsókninni og svarar spurningum í síma 661 6099 eða í tölvupósti thoroddur@unak.is. Þátttaka í könnuninni er að sjálfsögðu frjáls og svarendum ber hvorki skylda til að svara einstökum spurningum eða könnuninni í heild. Könnunin er unnin í samræmi við lög 90/2018 um persónuvernd og vinnslu persónuupplýsinga, sjá nánar hér.

TAKA ÞÁTT Í KÖNNUN: www.byggdir.is

SURVEY IN ENGLISH: www.byggdir.is/english